ស្វាយរៀង៖រថយន្តស្តាររិចមួយគ្រឿងបានប្រលះគោយន្តសណ្ដោងរឺម៉កដឹកគ្រែពីក្រោយយ៉ាងពេញទំហឹងលឺសូរដូចរន្ទះបង្កឲ្យមានការភ្ញាក់ផ្អើលដល់អ្នកភូមិក៏ដូចជាអ្នកធ្វើដំណើរចោមរោមមើលសំណាងមនុស្សមិនរងរបួសខណះសង្ស័យរថយន្តប្រើប្រាស់ល្បឿនលឿន។
ហេតុការណ៏នេះបានកើតឡើងកាលពីវេលាម៉ោង១០និង៣០នាទីព្រឹកថ្ងៃទី ២ ខែសីហាឆ្នាំ២០១៩លេីផ្លូវជាតិលេខ១ ចន្លោះបង្គោលគីឡូម៉ែត្រលេខ១៣៣និង១៣៤ ត្រង់ចំណុចភូមិព្រៃសម្ភរ័ ឃុំសំបួរ ស្រុកស្វាយទាប ខេត្តស្វាយរៀង ។
យោងតាមសមត្ថកិច្ចនគរបាលស្រុកស្វាយទាបបានអោយដឹងថាអ្នកបើកគោយន្តសណ្ដោងរឺម៉កដឹកគ្រែមានឈ្មោះជុច ភៀនភេទប្រុសអាយុ៣២ឆ្នាំមុខរបរលក់ដូរ រស់នៅភូមិចុងដូងឃុំចុងដូងស្រុកបារាយណ៍ខេត្តកំពង់ធំខណះសម្ភារះគ្រែខូចខាតទាំងស្រុង។
ចំណែកអ្នកបើករថយន្តត្រូវបានស្គាល់ឈ្មោះភោគ នី ភេទប្រុសអាយុ៤៤ឆ្នាំ មុខរបរកម្មកររោងចក្រ រស់នៅភូមិលៀបឃុំកណ្តៀងរាយ ស្រុកស្វាយទាប ខេត្តស្វាយរៀង ចំពោះរថយន្តខូចខាតផ្នែកខាងមុខទាំងស្រុង។
បើតាមសាក្សីបានអោយដឹងថាមុនកើតហេតុមានបុរសម្នាក់បានបើកគោយន្តសណ្ដោងរឺម៉កដឹកគ្រែមួយគ្រឿងក្នុងទិសដៅពីកេីតទៅលិចលើកំណាត់ផ្លូវជាតិលេខ១លុះមកដល់ចំណុចកើតហេតុស្រាប់តែមានរថយន្តមួយគ្រឿងម៉ាកហុីយ៉ាន់ដាយ ស្តារ៉ិចពណ៌ផ្ទៃមេឃចាស់ គ្មានស្លាកលេខ ធ្វើដំណើរស្របទិសគ្នាសង្ស័យប្រើប្រាស់ល្បឿនលឿនបុកពីក្រោយយ៉ាងពេញទំហឹងបង្កការភ្ញាក់ផ្អើលតែម្ដង។
ក្រោយមកសមត្ថកិច្ចក៏បានមកដល់កន្លែងកើតហេតុធ្វើការអន្តរាគមន៏វាស់វែងនឹងអូសយកមធ្យោបាយធ្វើដំណើរទាំង២គ្រឿងមករក្សាទុកនៅអធិការដ្ឋាននគរបាលស្រុកស្វាយទាបដោះស្រាយពេលក្រោយ៕
Q
