ភ្នំពេញ៖រថយន្តនីសាន់មួយគ្រឿងបានបេីកបរដោយបុរសម្នាក់បានរេចង្កូតទៅបុកបង្គូលភ្លើងថ្មនៅតាមចិញ្ចើមផ្លូវពេញទំហឹងបណ្តាលឲ្យបោកក្បាលនិងដៃចង្កូតស្លាប់យ៉ាងអាណោចអាធម៌ក្នុងរថយន្ត។កាលពីវេលម៉ោង១១និង៥០នាទីយប់ ថ្ងៃទី២ខែសីហា ឆ្នាំ២០១៩ស្ថិតចំណុចមុខសាលាបឋមសិក្សាភ្នំពេញថ្មីប្រមាណជា១០០ម៉ែត្រ តាមបណ្តោយផ្លូវ២៨គ្រួសារ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញជនរងគ្រោះបើករថយន្តនីសាន់មួយគ្រឿងពណ៌កណ្តុរប្រមេះពាក់ស្លាកលេខបាត់ដំបង2A-5801ធ្វើដំណើរទិសដៅពីលិចទៅកើតខណះមកដល់ចំណុចកើតហេតុបានរេចង្កូតមកខាងស្តាំដៃជ្រុលទៅបុកបង្គូលភ្លើងថ្មនៅតាមចិញ្ចើមផ្លូវពេញទំហឹងបណ្តាលឲ្យជនរងគ្រោះបោកក្បាលនិងដៃចង្កូតដោយសារថយន្តមិនមានពោងការពារស្លាប់នៅនិងកន្លែងកើតហេតុយ៉ាងអាណោចអធម៌។ចំណែករថយន្តផ្ទប់ជាប់និងបង្គូលភ្លើងខ្ទេចផ្នែកខាងមុខយ៉ាងដំណំ។
ជនរងគ្រោះដែរស្លាប់មានឈ្មោះ ឌៀប ជុងគៀក ភេទប្រុស អាយុ៣៦ឆ្នាំ ជនជាតិខ្មែរ ស្នាក់នៅផ្ទះលេខ១៤៦ ភូមិ១០ សង្កាត់ផ្សារដេប៉ូ២ ខណ្ឌទួកគោក។
ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់៕
