បន្ទាយមានជ័យ-ក្រុងប៉ោយប៉ែត ៖នៅព្រឹកថ្ងៃសុក្រ ១០ រោច ខែចេត្រ ឆ្នាំជូតទោស័ក ពុទ្ធសករាជ ២៥៦៣ត្រូវនឹងថ្ងៃទី១៧ ខែមេសា ឆ្នាំ២០២០ នេះ លោក គាត ហ៊ុល អភិបាលនៃគណៈអភិបាល ក្រុងប៉ោយប៉ែត អមដំណើរដោយ លោក ញឹម ភឿង នាយករដ្ឋបាលក្រុង លោក ស្រិល អិន ចៅសង្កាត់ផ្សារកណ្ដាល លោក សាំង ឃឺន មេភូមិអូរឬស្សី បានដឹកនាំក្រុមការងារ អាជ្ញាធរ ភូមិ សង្កាត់ ប្រជា ការងារភូមិ និង កម្លាំងកងរាអាវុធ ក្រុងប៉ោយប៉ែតបានអញ្ជើញចុះ ជួបសំណេះសំណាល សួរសុខទុក្ខ នាំយកអំណោយ មនុស្សធម៌ រួមជាមួយ សម្ភារៈ ដែកទីបជ្រុង សម្រាប់សាងសង់ផ្ទះឡើងវិញ ជូនប្រជាពលរដ្ឋ រងគ្រោះដោយខ្យល់កន្ត្រាក់ ចំនួន១គ្រួសារ រស់នៅភូមិអូរឬស្សី សង្កាផ្សារកណ្ដា ល ក្រុងប៉ោយប៉ែត ខេត្បន្ទាយមានជ័យ ។
លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត បានមានប្រសាសន៍នាឱកាសនោះ ដោយបានពាំនាំនូវការផ្ដាំផ្ញើសួរសុខទុក្ខ ពីថ្នាក់ដឹកនាំប្រមុខរាជរដ្ឋាភិបាល ដែលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដូចដែលបានលើកឡើងថា “ អាជ្ញាធរ គ្រប់លំដាប់ថ្នាក់ នៅទូរទាំងប្រទេស កម្ពុជាមានគ្រប់ទីកន្លែង សម្រាប់គ្រប់ៗគ្នា មិនទុកនរណាម្នាក់ចោលនោះទេ ទីណាមានទុក្ខលំបាក ទីនោះមាន មន្ត្រី អាជ្ញាធរ មូលដ្ឋាន គ្រប់ពេលវេលា ” ។
ក្នុងនោះ ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្រ្តី ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តបន្ទាយមានជ័យ ឯកឧត្តមឧត្តមសេនីយ៍ឯក ឡាយ គឹមលី អនុប្រធានក្រុមការងាររាជរដ្ឋាភិបាលចុះមូលដ្ឋានក្រុងប៉ោយប៉ែតនិងមានឯកឧត្ដម អ៊ុំ រាត្រី ជាអភិបាលខេត្តបន្ទាយមានជ័យ ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ។
លោក គាត ហ៊ុល អភិបាលក្រុងប៉ោយប៉ែត បានសំដែងនូវការសោកស្ដាយចំពោះការខូចខាតផ្ទះសំបែង ទ្រព្យសម្បត្តិ ដែលនេះជាគ្រោះមហន្តរាយដោយធម្មជាតិ គ្មាននរណាម្នាក់ចង់ជួប ប្រទះឡើយ ។ លោកអភិបាលក៏បានបន្តទៀតថា ថ្វីត្បិតតែអំណោយមនុស្សធម៌រួមនិងសម្ភារជាដែក ដែលបាននាំយកមកប្រគល់ ជូនបងប្អូននាពេលនេះ មានចំនួន មិនគ្រប់ កាសាងសង់ ផ្ទះឡើងវិញមែន ប៉ុន្តែសម្ភារៈ ទាំងនេះក៏អាចជួយសម្រាលទុក្ខបាករបស់បងប្អូនបាន មួយចំនួនធំដែរហើយសកម្មភាពទាំងនេះជាការ យកចិត្តទុកដាក់ចំពោះ ប្រជាពលរដ្ឋគ្រប់រូប ពីសំណាក់ថ្នាក់ដឹកនាំ ជាពិសេសគឺ ក្នុងនាមរូបលោកផ្ទាល់ ជាគណៈអភិបាលក្រុងប៉ោយប៉ែត និងមាន លោក ស្រិល អិន ចៅសង្កាត់ផ្សារកណ្ដាល ហើយជាពិសេស គឺ ឪពុក ម្ដាយ ដែលនៅជិត ដឹងសុខទុក្ខ គ្រប់ពេលវរលានោះ គឺ លោក សាំង ឃឺន មេភូមិអូរឬស្សី ដែលបានរាយការណ៍ ទាន់ពេលវរលា អោយថ្នាក់ដឹកនាំបាន ជ្រាបជាព័ត៌មាន ។
សូមបញ្ជាក់ថា សម្ភារ អំណោយ ដែលអាជ្ញាធរក្រុងប៉ោយប៉ែត នាំយកទៅប្រគល់ជូន រួមមាន ៖ ១.ដែកទីបជ្រុង សម្រាប់សាសង់ម៉ាគ្រប់គ្រឿង ផ្ទះ១ខ្នង ឡើងវិញ ចំនួន៣៦ដើម លោក គាត ហ៊ុល អភិបាលក្រុងប៉ោយប៉ែត បានឧបត្ថម្ភទាំងស្រុង ចំណាយថវិការសរុប ៥០០ដុល្លា ។
២.គ្រឿងឧបភោគនិងបរិភោគ លោក សាំង ឃឺន មេភូមិអូរឬស្សី ជាអ្នកឧបត្ថម្ភ រួមមាន ៖ អង្ករ ចំនួន៤០គីឡូក្រាម , ទឹកត្រី៣ដប , ទឹកស៊ីអីវ ៤ដប ។
ប្រគល់ជូនម្ចាស់ផ្ទះ ឈ្មោះ គឹម សុខវណ្ណា ប្រពន្ធ យីន រស្មី មានសមាជិក៥នាក់ ឪពុក ម្ដាយ និងកូន៣នាក់ក្នុងបន្ទុក ។
សូមរំលឹកថា នៅថ្ងៃទី១២ ខែមេសា ឆ្នាំ២០២០ រសៀល វេលាម៉ោង ១៦និង៣០នាទី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ មានភ្លៀងធ្លាក់លាយឡំនិងខ្យល់កន្ត្រាក់ បណ្តាលឲ្យប៉ះពាល់ផ្ទះប្រជាពលរដ្ឋ មួយចំនួន ក្នុងនោះផ្ទះស្ត្រី មេម៉ាយ សង់អំពីឈើប្រក់ស័ង្កសី របើកដំបូល ផ្ទះ ត្រូវបាន លោក គាត ហ៊ុល អភិបាលក្រុង ចាត់ចែង សាងសង់ជូនឡើងវិញ ដោយចំណាយថវិការអាជ្ញាធរ ទាំងអស់៕ ដោយ៖លោកចាន់ ពុធ
