ស្វាយរៀង៖ នាព្រឹកថ្ងៃពុធ ទី២២ ខែមេសា ឆ្នាំ២០២០ ស្នងការដ្ឋាននគរបាលខេត្តស្វាយរៀង បានបើកកិច្ចប្រជុំបូកសរុបលទ្ធផលការអនុវត្តសេចក្តីណែនាំលេខ ០០៣ ស.ណ.ន ស្តីពីការពង្រឹងបន្ថែមប្រសិទ្ធិភាពការងារកិច្ចការប៉ុស្តិ៍នគរបាលរដ្ឋបាលប្រចាំខែមេសា និងទិសដៅការងារបន្ត ក្រោមអធិបតីភាពលោកឧត្តមសេនីយ៍ទោ កឹង ឃន ស្នងការនគរបាលខេត្ត ។
ដោយមានការអញ្ជើញចូលរួមពីលោក លោកស្រី ស្នងការរង លោកអនុប្រធានផែនការងារចំណុះស្នងការដ្ឋាន លោក លោកស្រី នាយ នាយការិយាល័យ លោកអធិការនគរបាលក្រុង/ស្រុកទាំង៨ លោកមេបញ្ជាការវរសេនាតូចនគរបាលការពារព្រំដែនគោកទាំងពីរ លោកនាយប៉ុស្តិ៍ច្រកទ្វាព្រំដែនទ្វេភាគីសំរោង និងបុសមន លោក លោកស្រីនាយ នាយរងផ្នែក និងមន្ត្រីការិយាល័យកិច្ចការប៉ុស្តិ៍នគរបាល លោក លោកស្រីនាយប៉ុស្តិ៍នគរបាលរដ្ឋបាលទាំង៨០ប៉ុស្តិ៍ និងលោកនាយប៉ុស្តិ៍នគរបាលការពារព្រំដែន សរុបវត្តមាន ១៥២ នាក់ ស្រី ០៣ នាក់៕ 
