កណ្ដាល៖ មានករណីគ្រោះថ្នាក់ចរាចរណ៍មួយបានកេីតឡេីង រវាងរថយន្តប្រភេទបែនដឹកដីនឹងម៉ូតូបណ្ដាលអោយស្ដ្រីម្នាក់រង របួសធ្ងន់ ។ ហេតុការណ៍នេះ បានកើតឡើងនៅថ្ងៃ ពុធ ១កើត ខែពិសាខ ឆ្នាំជូតទោស័ក ព.ស ២៥៦៣ត្រូវនឹងថ្ងៃទី២២ ខែមេសា ឆ្នាំ២០២០ វេលាម៉ោង ៩និង១០នាទី នៅលើចំណុចផ្លូវលេខ១១៦Aចំនុចភូមិស្រែអំពិល ឃុំឈើទាល ស្រុកកៀនស្វាយ ខេត្តកណ្តាល ។
សមត្ថកិច្ចបានឲ្យដឹងថាមានរថយន្តមួយគ្រឿងម៉ាក់ SCANiA ពណ៍ ខ្មៅ ពាក់ស្លាកលេខ ភ្នំពេញ3F. 1826 អ្នកបើកបរ កំណត់អត្តសញ្ញាណមិនបាន (រត់គេចខ្លួន ពីកន្លែងកើតហេតុ)បើកបរទិសដៅ ពីកើតទៅ លិច លុះពេលមកដល់ចំណុចកើតហេតុ ក៏បានរយ៉ែត្រលប់ថយក្រោយ ក៏បុកជាមួយម៉ូតូមួយគ្រឿងទៀត ទិសដៅស្របគ្នាម៉ាក់Honda dream 125 ពណ៍ ខ្មៅពាក់ស្លាកលេខ កណ្តាល 1G-5141បើកបរដោយឈ្មោះ សាន ម៉ុន ភេទ ស្រី អាយុ៦៦ឆ្នាំ ជនជាតិ មានទីលំនៅ ភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាល(របួសធ្ងន់)ត្រូវបានរថយន្តសង្រ្គោះដឹកបញ្ជូនទៅមន្ទីរពេទ្យភ្នំពេញចំណែកម៉ូតូខូចខាត ធ្ងន់១គ្រឿង និងរថយន្ត ០១ គ្រឿង។
ក្រោយពេលកើតហេតុកំលាំងជំនាញចុះសហការណ៍ជាមួយកំលាំងប៉ុស្តិ៍ធ្វើការវាស់វែងនឹង យកមករក្សាទុកជាភស្តុតាងនៅអធិការដ្ឋាននគរបាលស្រុកកៀនស្វាយ ដើម្បីបន្តនីតិវិធី៕ 
