កំពង់ចាម៖ នៅថ្ងៃព្រហស្បតិ៍២កើត ខែពិសាខ ឆ្នាំជូតទោស័ក ព.ស ២៥៦៣ ត្រូវនឹងថ្ងៃទី២៣ខែមេសា ឆ្នាំ២០២០ លោកអូត ឈាងលី អភិបាលនៃគណៈអភិបាលស្រុកជើងព្រៃ លោកស្រីឃី លាងស៊ីម អភិបាលរងនៃគណ:អភិបាលស្រុកក្រុមការងារអនុសាខាកាកបាទក្រហមកម្ពុជាស្រុកនិងលោក យន់ ឈុនលាងប្រធានគណកម្មាធិការសហភាពសហព័ន្ធយុវជនកម្ពុជាស្រុកនិងក្រុមការងារ បាននាំយកអំណោយដ៍ថ្លៃថ្លារបស់ឯកឧត្តមវេង សាខុន រដ្ឋមន្រ្តីក្រសួងកសិកម្មរុក្ខាប្រមាញ់និងនេសាទនិងជាប្រធានក្រុមការងាររាជរដ្ឋាភិបាលចុះជួយស្រុកជើងព្រៃ ចុះចែកជូនដល់ប្រជាពលរដ្ឋក្រីក្រដល់ខ្នងផ្ទះចំនួន១០គ្រួសារនៅឃុំព្រៃចារ។
ដោយក្នុងមួយគ្រួសារទទួលបាន ឣង្ករ៥០គីឡូក្រាម ទឹកក្រូច១កេះ និងថវិកាចំនួន៤០ ០០០រៀល និងម៉ាស់មួយចំនួនផងដែរ ។
ក្នុងឱកាសនោះដែរលោក អូត ឈាងលី ក៍ណែនាំបងប្អូនប្រជាពលរដ្ឋរស់នៅឃុំព្រៃចាររួមគ្នាប្រយុទ្ធប្រឆាំងនឹងជម្ងឺកូវីដ-19នឹងវីធីការការពារជម្ងឺកូវីដ-19ដោយលាងដៃនឹងសាប៊ួ អាកុល ជែលអោយបានញឹកញាប់នឹងជៀសនៃការជួបជុំគ្នា៕ 
