ខេត្តកណ្តាល៖ករណីគ្រោះថ្នាក់ចរាចរណ៍ម៉ូតូបុកនិងអ្នកថ្មើរជើងបណ្ដាលឲ្យរងរបួសបាក់ភ្លៅ។
ហេតុការណ៍នៅថ្ងៃព្រហស្បតិ៍ត្រូវនឹងថ្ងៃទី២៣ខែមេសា ឆ្នាំ២០២០វេលាម៉ោង០៨ និង ៣០នាទីយប់កើតហេតុចំណុចខាងមុខផ្ទះសំណាក់ភ្នំមាស លើផ្លូវជាតិ២១ ស្ថិតនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ។
ដោយម៉ូតូមួយគ្រឿងម៉ាកHONDA DREAM ពណ៌ខ្មៅពាក់ផ្លាកលេខកណ្ដាល1W-6328អ្នកបើកម៉ូតូឈ្មោះចំរើន គន្ធា ភេទប្រុស អាយុ២៦ឆ្នាំមានទីលំនៅ ភូមិព្រែកស្វាយឃុំឈើទាល ស្រុកកៀនស្វាយខេត្តកណ្ដាលរងរបួសស្រាលទៅព្យាបាលនៅមន្ទីរពេទ្យដោយខ្លួនឯងម៉ូតូបើកក្នុងទិសដៅពីត្បូងទៅជើងក៏បានបុកអ្នកថ្មើរជើងឈ្មោះ អួងវ៉ាន់ឌី ភេទប្រុស អាយុ៥៥ឆ្នាំ មានទីលំនៅភូមិព្រែកសំរោង១ សង្កាត់តាខ្មៅ ក្រុងតាខ្មៅបណ្តាលអោយរងរបួសបាក់ភ្លៅខាងស្ដាំត្រូវបានបងប្អូនដឹកយកទៅសង្រ្គោះនៅមន្ទីរពេទ្យជ័យជំនះ”អ្នកថ្មើរជើងដើរឆ្លងផ្លូវក្នុងទិសដៅពីលិចទៅកើត។
បច្ចុប្បន្នមធ្យោបាយដែលពាក់ព័ន្ធបានយកមករក្សាទុកបណ្ដោះអាសន្ននៅអធិការដ្ឋានក្រុងតាខ្មៅដើម្បីចាត់ការតាមនិតិវិធី៕
