ខេត្តស្វាយរៀង៖យុវជនសសយកស្រុកចន្ទ្រានៅថ្ងៃពុធ៥រោច ខែជេស្ឋឆ្នាំជូតទោស័កព.ស២៥៦៤ត្រូវនឹងថ្ងៃទី១០ ខែមិថុនា ឆ្នាំ ២០២០ ដោយអនុវត្តតាមការណែនាំរបស់ឯកឧត្តម ឌី វិជ្ជា ប្រធានសហភាពសហព័ន្ធយុវជនកម្ពុជាខេត្តស្វាយរៀង និងមានការចង្អុលបង្ហាញរបស់ឯកឧត្តមហួត ឃាងវេង ប្រធានការងារចុះជួយយុវជនស្រុកចន្ទ្រា សហភាពសហព័ន្ធយុវជនកម្ពុជាស្រុកចន្ទ្រាបានសហការជាមួយរដ្ឋបាលស្រុកចន្រ្ទា បានចុះធ្វើការបាញ់ថ្នាំសម្លាប់មេរោគនៅក្នុងបរិវេនសាលាស្រុកចន្ទ្រា មណ្ឌលសុខភាពមេសរថ្ងក អធិការនគរបាលស្រុក ផ្នែកសឹករងស្រុក កងរាជអាវុធហត្ថស្រុក ផ្សារមេសថ្ងក និងនៅទីប្រជុំជននានាក្នុងស្រុកចន្ទ្រា ។
ដោយដឹកនាំដោយ លោក ថន ថាវុទ្ធា អភិបាលនៃគណៈអភិបាលស្រុកចន្ទ្រា និង លោកស្រី សំ ថាវី សមាជិកក្រុមការងារ ស.ស.យ.ក ចុះជួយស្រុកចន្ទ្រា រួមនិងប្រធានអនុប្រធានសមាជិកសសយកស្រុកចន្ទ្រាសរុប២២នាក់ស្រី០៣នាក់ ។
ក្នុងពេលចុះផ្សព្វផ្សាយបាញ់ថ្នាំសម្លាប់មេរោគនេះលោក ថន ថាវុទ្ធា អភិបាលស្រុក និងក្រុមការងារយុវជនសសយកស្រុក បានផ្សព្វផ្សាយប្រយុទ្ធប្រឆាំងជំងឺCovidg-19 ផ្សព្វផ្សាយអប់រំ និងចុះបិតបដាអប់រំ ចែកខិតប័ណ្ណ ចែកម៉ាសជូនដល់ប្រជាពលរដ្ឋ និងបានធ្វើការផ្សព្វផ្សាយខ្លឹមសារការអនុវត្តអនុក្រឹតលេខ ៣៩ អនក្រ.បក ចុះថ្ងៃទី១៧ ខែមីនា ឆ្នាំ២០២០ ស្ដីពីការកែសម្រួលអនុក្រឹតលេខ ៤៤ អនក្រ.បក ចុះថ្ងៃទី២១ ខែមីនា ឆ្នាំ២០១៧ ស្ដីពីការពិន័យអន្តរការណ៍ចំពោះអំពើល្មើសនឹងច្បាប់ចរាចរណ៍ផ្លូវគោក ជូនបងប្អូនប្រជាពរដ្ឋក្នុងទីរួមស្រុកចន្ទ្រាផងដែរ ៕
