ភ្នំពេញ៖ កម្លាំងសមត្ថកិច្ចប៉ុស្តិ៍រដ្ឋបាលនគរបាលចោមចៅទី៣ ឆ្មក់បង្ក្រាបជនសង្ស័យចំនួន៣នាក់ ខណះពួនសំងំប្រេីប្រាស់គ្រឿងញៀនក្នុងដីឡូត៍មួយកន្លែង ក្នុងភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនសង្ស័យចំនួន៣នាក់ ទី១ឈ្មោះយន់ ចាន់ណាក់ ភេទប្រុសអាយុ២៥ឆ្នាំ មុខរបរមិនពិតប្រកដ ស្នាក់នៅ ទីតាំងខាងលេី មានស្រុកកំណេីតនៅ ភូមិត្រពាំងថ្ម ឃុំក្រឡា ស្រុកកំពង់សៀម ខេត្តកំពង់ចាម។ ទី២ ឈ្មោះអេង ពិសាល ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ និងទី៣ឈ្មោះ ចាប សុភ័ក្ត ភេទប្រុស អាយុ៣៧ ឆ្នាំ មិនពិតប្រកដ ស្នាក់ទីតាំងខាងលេី។
តាមសមត្ថកិច្ចបានឱ្យដឹងថា មុននឹងឈានទៅដល់ការឃាត់ខ្លួនជនសង្ស័យខាងលេី មានបងប្អូនប្រជាពលរដ្ឋល្អ បានរាយការណ៍សំងាត់ថា ទីតាំងខាងលេីមានជនសង្ស័យ លួចមកសំងំបោះតង់ប្រេីប្រាស់គ្រឿងញៀន និងដេីរអុកឡុកអ្នកភូមិ លួចទ្រព្យសម្បត្តិ ធ្វេីឱ្យអ្នកភូមិក្តៅក្រហាយ ។ ក្រោយពីទទួលព័ត៌មានភ្លាម លោក ថេង កុសល នាយប៉ុស្តិ៍រដ្ឋបាលនគរបាលចោមចៅទី៣ ដឹកនាំកម្លាំងចុះបង្ក្រាបភ្លាមៗតែម្តង និងឃាត់ខ្លួនជនសង្ស័យចំនួន៣នាក់ ចាក់យកឧបករណ៍ប្រេីប្រាស់គ្រឿងញៀនមួយចំនួន និងដាវមួយដេីម។
បច្ចុប្បន្ន ជនសង្ស័យត្រូវបានកសាងសំណុំរឿង បញ្ជូនទៅអធិការដ្ឋាននគរបាលពោធិ៍សែនជ័យ ដេីម្បីចាត់ការតាមនិតិវិធី៕
