ភ្នំពេញ៖ រថយន្តដឹកដីមួយគ្រឿង បានក្រឡាប់ផ្ងាជេីងចាក់ដីចោល ខណះបេីកបរចេញពីរណ្តៅដី ត្រូវរថភ្លេីងបេីកមកបុកពេញទំហឹង កាលពីវេលាម៉ោង៨ព្រឹក ថ្ងៃទី១២ ខែមិថុនា ឆ្នាំ២០២០ នៅក្នុងភូមិតាពង់ សង្កាត់ស្នោ ខណ្ឌកំបូល រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុ បានឱ្យដឹងថា មុនពេលកេីតហេតុ គេបានឃេីញរថភ្លេីងមួយខ្សែ ដែលបេីកបរពីខេត្តចូលក្រុងភ្នំពេញ ខណះឆ្លងកាត់ផ្លូវលំមួយខ្សែខាងលេី ស្រាប់តែជ្រុលទៅបុករថយន្តដឹកដីមួយគ្រឿង ម៉ាកហីយាន់ដាយ ពណ៌ខៀវ ពាក់ស្លាកលេខ ភ្នំពេញ 3B-6712 ធ្វេីដំណេីរក្នុងទិសដៅពីត្បូងទៅជេីង បណ្តាលឱ្យឡាប់ផ្ងាជេីងខ្លួនឯង ចំណែករថភ្លេីងក៏បន្តដំណេីរទៅបាត់។
ក្រោយកេីតហេតុ សមត្ថកិច្ចមូលដ្ឋាន បានចុះមកដល់ចំណុចកេីតហេតុ និងធ្វេីការស្ទូចរថយន្តទៅរក្សាទុក រងចាំដោះស្រាយជាមួយអាជ្ញាធររថភ្លេីង នៅពេលក្រោយ៕
