ភ្នំពេញ ៖ នៅវេលាម៉ោង០៦និង១៥នាទីព្រឹកថ្ងៃទី១៥ ខែមិថុនា ឆ្នាំ២០២០ លោក ឌី រ័ត្នខេមរុណ អភិបាលរងខណ្ឌមានជ័យ បានចុះសំរបសំរួលជាមួយប្រជាពលរដ្ឋមកតវ៉ាដីធ្លី ដែរបាននាំគ្នាមកពីខេត្តព្រះវិហារ ក្នុងករណីជម្លោះជាមួយក្រុមហ៊ុន មេត្រីភាព ដែលកំពុងស្នាក់នៅ វត្តចង្រ្កានតាព្រហ្មស្ទឹងមានជ័យ ស្ថិតនៅក្រុមទី១ ភូមិមានជ័យ១ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។
ក្នុងនោះដែរមានប្រជាពលរដ្ឋ ចំនួនប្រហែល ៥០ នាក់តំណាងឲ្យ ៦០០ គ្រួសារ មកពី ភូមិថ្មី ភូមិរស្មី ភូមិអន្ទិល ឃុំយាង ស្រុកជាំក្សាន្ត ខេត្តព្រះវិហារ មានបញ្ហាដីធ្លីជាមួយក្រុមហ៊ុន (មេត្រីភាព) ផ្ទៃដីសរុប ៣០២៥ ហិកតា ។
បានមកឈប់ សំរាកចំាគ្នានៅក្នុងវត្តស្ទឹងមានជ័យ ។
មធ្យោបាយធ្វើដំណើរ រថយន្តតូរីសចំនួន ០២គ្រឿង។ គោលបំណង ទៅដាក់ញត្តិនៅខុទ្ទកាល័យសម្ដេច និង ក្រសួងដែនដី ដើម្បីជួយ អន្តរាគមន៍ជូនពួកគាត់។
សូមបញ្ជាក់ផងដែរថា ក្នុងការសំរបសំរួលជូនបងប្អូន ប្រជាពលរដ្ឋដែលមកពីព្រះវិហារ មានចំនួន ៥០នាក់ តំណាងអោយ ៦០០គ្រួសារ ក៏ទទួលបាន ម៉ាសសំរាប់ការពារទប់ស្កាត់ជំងឺ កូវីដ -១៩ ម្នាក់មួយ៕
