ភ្នំពេញ៖នៅវេលាព្រឹក ថ្ងៃអង្គារ ៣កើត ខែ អាសាឍ ឆ្នាំជូត ទោស័ក ព.ស ២៥៦៤ ត្រូវនិងថ្ងៃទី ២៣ ខែ មិថុនា ឆ្នាំ ២០២០ ដោយមានគោលការណ៍ ដឹកនាំផ្ទាល់ពី ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ និង មានការបញ្ជាផ្ទាល់ពី លោក ពេជ្រ កែវមុនី អភិបាល ខណ្ឌមានជ័យ អាជ្ញាធររដ្ឋបាល ខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរង ខណ្ឌមានជ័យ បានសហការជាមួយនិង អាជ្ញាធរ រដ្ឋបាលក្រុងតាខ្មៅ ចុះពិនិត្យមើលស្ថានភាពប្រឡាយស្ទឹងជ្រៅ នៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ ។
ក្នុងការចុះសហការត្រួតពិនិត្យ រវាង អាជ្ញាធរ រដ្ឋបាល ខណ្ឌមានជ័យ និង អាជ្ញាធរ រដ្ឋបាល ក្រុងតាខ្មៅ គឺមានការចូលរួម ពី ៖
– លោក សាំ ពិសិដ្ឋ ប្រធានមន្ទីរសាធារណៈការ និង ដឹកជញ្ជូន រាជធានី ភ្នំពេញ តំណាងឲ្យ សាលារាជធានីភ្នំពេញ ។
– លោក ឌី រ័ត្នខេមរុណ អភិបាលរង ខណ្ឌមានជ័យ តំណាងឲ្យ រដ្ឋបាលខណ្ឌមានជ័យ ។
– លោក នូ សុវណ្ណារ៉ា អភិបាល ក្រុងតាខ្មៅ ។
– លោក ភឹម ម៉ាដូណា អភិបាលរង ក្រុងតាខ្មៅ ។
– តំណាង មន្ទីរ ធនធានទឹក ខត្តកណ្ដាល
– តំណាងមន្ទីរ សាធារណៈការ ខេត្តកណ្ដាល ។
– លោល ឯក សំណាង ចៅសង្កាត់ដើមមៀន ។
– លោក ហ៊ឹម ឆុន មេភូមិ ស្ទឹងជ្រៅ ។
ក្រោយពីបានចុះពិនិត្យមើលស្ថានភាព ប្រឡាយស្ទឹងជ្រៅ រួចមក អាជ្ញាធរ រដ្ឋបាល ខណ្ឌមានជ័យ និង អាជ្ញាធរ រដ្ឋបាល ក្រុងតាខ្មៅ បានឯកភាពគ្នា ដាក់គ្រឿងចក្រ នៅក្នុងការចុះស្តារ កាយសំរាម ដើម្បី រំដោះទឹកនៅក្នុង រាជធានីភ្នំពេញ និង ក្នុងក្រុងតាខ្មៅ កុំឲ្យមានកកស្ទះ និង លិចលង់ តទៅទៀតនារដូវវស្សាផងដែរ ៕
