ភ្នំពេញ ៖ ថ្ងៃអង្គារ ៣ កើត ខែអាសាឍ ឆ្នាំជូត ទោស័ក ពស ២៥៦៤ត្រូវនឹងថ្ងៃទី២៣ ខែមិថុនា ឆ្នាំ២០២០ វេលាម៉ោង ០៥,០០នាទី លោក សុខ ពេញវុធ អភិបាល នៃគណៈអភិបាលខណ្ឌដូនពេញ ឯកឧត្តម ហ៊ូ ស្រ៊ី ប្រធានក្រុុមការងារចុះជួយ សង្កាត់ជ័យជំនះ ឯកឧត្តម នូ សុវត្ថិ អនុប្រធានក្រុមការងារចុះជួយសង្កាត់ជ័យជំនះ បានអញ្ជើញ នាំយកអំណោយ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត ចុះសាកសួរសុខទុក្ខ សំណេះសំណាល និងផ្សព្វផ្សាយអំពីវិធានការបង្ការ និងទប់ស្កាត់ការរីករាលដាលនៃជម្ងឺ Covid-១៩ ដល់បងប្អូនប្រជាពលរដ្ឋក្រីក្រ ក្នុងសង្កាត់ ជ័យជំនះ ខណ្ឌដូនពេញ ដែលប្រព្រឹត្តទៅនៅក្នុងទីធ្លា សាលាបឋមសិក្សា ព្រះនរោត្តម សរុបចំនួន ៦៣គ្រួសារ ។
ស្របនឹងកិច្ចសួរសុខទុក្ខ និង សំណេះសំណាល លោក អភិបាលខណ្ឌ ក៏បាននាំយកអំណោយចែកជូនដល់បងប្អូនប្រជាពលរដ្ឋ រួមមានៈ អង្ករចំនួន២៥គីឡូក្រាម/៦៣គ្រួសារ មីជាតិចំនួន០១កេស, សាប៊ូលាងដៃចំនួន០៤ដុំតូច, ទឹកត្រី១យួរ ថ្នាំដុះធ្មេញចំនួន ០១ឡូ សម្រាប់ប្រើប្រាស់ប្រចាំថ្ងៃផងដែរ ។
ក្នុងនោះសប្បុរសជនដែលបានចូលរួមឧបត្ថម្ភមានដូចខាងក្រោម៖
១-អង្ករចំនួន ៦៣បាវ ស្មើនឹង ១៥៧៥គីឡូក្រាម ជាអំណោយរបស់ សម្តេចតេជោ តាមរយៈលោកជំទាវគតិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ។
២-មីជាតិចំនួន ០១កេស សាប៊ូ ០៤ដុំ និង ទឹកត្រី ០១យួរ /៦៣គ្រួសារ ជាអំណោយ របស់ លោក សុខ ពេញវុធ អភិបាល នៃគណៈអភិបាលខណ្ឌដូនពេញ ។
៣-ថវិកាចំនួន ២០,០០០រៀល /៦៣គ្រួសារ ជាអំណោយ របស់ ឯកឧត្តម ហ៊ូ ស្រ៊ី ប្រធានក្រុុមការងារចុះជួយ សង្កាត់ជ័យជំនះ លោក សុខ ពេញវុធ អភិបាល នៃគណៈអភិបាលខណ្ឌដូនពេញ ឯកឧត្តម នូ សុវត្តិ អនុប្រធានក្រុមការងារចុះជួយ សង្កាត់ជ័យជំនះ ។
៤-ថ្នាំដុះធ្មេញ ០១ឡូ /៦៣គ្រួសារ ជាអំណោយ របស់ លោក ស៊ាម ម៉េងអ៊ុង ប្រធានការិយាល័យច្រកចេញចូលតែមួយខណ្ឌដូនពេញ ។
ឆ្លៀតក្នុងឱកាសនោះផងដែរ លោកអភិបាលខណ្ឌ ក៏បានផ្តាំផ្ញើការសាកសួរសុខទុក្ខពីសំណាក់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និង សម្តេចកិត្តិព្រឹទ្ធបណ្ឌិត លោកជំទាវគតិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និង ឯកឧត្តម ឃួង ស្រេង អភិបាល នៃគណៈអភិបាលរាជធានីភ្នំពេញ ព្រមទាំងបានផ្សព្វផ្សាយក្រើនរំលឹកបន្ថែមអំពីវិធានការបង្ការ និងទប់ស្កាត់ការរីករាលដាលនៃជម្ងឺកូវីដ-១៩ ដល់បងប្អូនប្រជាពលរដ្ឋផងដែរ ៕
