កណ្តាល៖ ប្រជាពលរដ្ឋបានរិៈគន់ថា៖ ល្បែងកត់ឆ្នោតកន្ទុយលេ និងល្បែងភ្នាល់សុីសងគ្រប់ប្រភេទ នៅស្រុកលើកដែក ខេត្តកណ្ដាល សមត្ថកិច្ចមិនហ៊ានក្នុងការបង្ក្រាប។
ជាក់ស្ដែង ល្បែងឆ្នោតកន្ទុយលេខវៀតណាមនៅឃុំកំពង់ភ្នំ ឃុំព្រែកទន្លាប់ នឹងនៅជិតសាលាស្រុកលេីក ។
គឺមានកូនកញ្ច្រែងដើរកត់ឆ្នោតឡើង ប្រសេកសាចដូចហ្វូងគោតែម្ដង។
ដោយមេឆ្នោតធំៗដាក់ពង្រាយកូនកញ្ច្រែង អោយដើរកត់ឆ្នោត បង្វក់ស្មារតីប្រជាពលរដ្ឋ នាំគ្នាលេងឆ្នោតផ្សងសំណាង។តាមរយៈការសម្រាកពេលយប់ ព្រឹកឡើងកាត់សព្វកាត់សុបិន្ត ។ចេញជាលេខកត់ឆ្នោត ដោយនាំគ្នាចាំផ្ទៀងវិទ្យុពីវៀតណាម រាល់ម៉ោង៤ល្ងាច ដូចគេថា៖ថ្ងៃស្ដាយលេខល្ងាចលុយ។
សេចក្ដីរាយការណ៍ថា៖ សកម្មភាពទាំងនេះមិនត្រូវបានសមត្ថកិច្ច ស្រុកលើកដែក បង្ក្រាបទេ(ទំនងជាប់ពាក់ព័ន្ធ)។
ពលរដ្ឋបានឱ្យដឹងថា៖ មេឆ្នោតដុះស្លែម្នាក់ឈ្មោះ លី(លីដេីមពោធិ៍) ដែលមានទីតាំងនៅជិតផ្សារអ្នកលឿង ត្រេីយខាងលិច ។
ស្ថិតក្នុងភូមិកំពង់ចម្លង ឃុំព្រែកទន្លាប់និងនៅផ្ទះឈ្មោះ ម៉ាយ នៅក្នុងភូមិអំពិលទឹក ឃុំកំពង់ភ្នំ ស្រុកលេីកដែក ខេត្តកណ្តាល។
បច្ចុប្បន្ន ឈ្មោះម៉ាយ បានផ្ទេរឲ្យកូនឈ្មោះ ស្រេង ជាអ្នកកត់ និងទទួលជំនួសវិញ និងផ្ទះរបស់ឈ្មោះ ម៉េង និងឈ្មោះ អិត ដែលមានចម្ងាយប្រហែលជាង២០០ម៉ែត្រ ពីសាលាស្រុកលេីកដែក ដែលបាននឹងកំពុងទទួលការភ្នាល់ និងពង្រាយកូនកញ្ច្រែង ពាសពេញស្រុកលើកដែកតែម្ដង។រហូតដល់ស្រុកកៀនស្វាយទៀត ដោយគេតម្រូវឱ្យដើរកត់ឆ្នោតឲ្យពួកគេ ជារៀងរាលថ្ងៃ បានដោយរលូន មិនឃេីញអាជ្ញាធរ ឬសមត្ថកិច្ចណាបង្រ្កាបនោះទេ។
ទន្ទឹមនិងនោះ ក៍មានវង់បៀរអាប៉ោងជាច្រេីន កន្លែង ដែលកំពុងតែបង្វក់អ្នកស្រុក អោយញៀននឹងការលេងល្បែងភ្នាល់ចាក់លុយ។រហូតអ្នកខ្លះចាញ់អស់ទ្រព្យសម្បត្ដិ កើតជាជម្លោះ ក្នុងគ្រួសារ និង អំពើឆក់ប្លន់ផងដែរ។តើលក្ខណៈភូមិឃុំមានសុវត្ថភាពទាំង៩ចំណុច នៅឯណា។
ពាក់ព័ន្ធករណីខាងលើ នៅព្រឹកថ្ងៃទី ៨ខែកក្កដា ឆ្នាំ២០២០ លោកវរ:សេនេយ៍ឯក អាំ ធូ អធិការនគបាលស្រុកលេីកដែក បានប្រាប់ឲ្យដឹងថា៖ លោកទើបតែបានមកកាន់តំណែង ជាអធិការស្រុកនេះ បានតែមួយឆ្នាំប៉ុណ្ណោះ ។ហើយករណីនេះ វាពិតជាមានមែន ក្នុងនោះសមត្ថកិច្ច ក៏ធ្លាប់បានចុះបង្ក្រាប ក៏ដូចជាកោះហៅឈ្មោះ អ្នកទាំងអស់នោះ មកធ្វើកិច្ចសន្យា ម្តងជាពីរដងហើយដែរ។
លោកថាខ្ញុំបានបញ្ជាឲ្យគ្រប់ប៉ុស្តិ៍ រដ្ឋបាលឃុំ បន្តខិតខំធ្វើការចុះស្រាវជ្រាវផងដែរ។
លោកអធិការបន្ថែមទៀតថា៖ ជាពិសេស ពួកមេកត់ឆ្នោតល្បែងកន្ទុយលេខ តែងតែលួចលាក់ ។
លេងឆ្នោតវៀតណាមខុសច្បាប់ ដែលលួចជ្រកក្រោម អាជ្ញាប័ណ្ណ ផ្លាកឆ្នោតខ្មែរ ដែលជាផលវិបាកក្នុងការអនុវត្តច្បាប់លើពួកគាត់។
ទោះជាយ៉ាងណាក្ដីមជ្ឈដ្ឋាននានា ទាមទារឱ្យសមត្ថកិច្ចស្រុកលើកដែក ជាពិសេសគឺលោក ឧត្ដមសេនីយ៍ត្រី ឈឿន សុចិត្ត ស្នងការខេត្តកណ្ដាល សូមមានវិធានការបង្ក្រាប ល្បែងស៊ីសងនៅស្រុកលើកដែក ឱ្យមានប្រសិទ្ធភាពផងចោះព្រោះថា៖ (អ្នកលេងល្បែងឈ្នះមុខខ្លាញ់ ចាញ់មុខខ្លា បើចាញ់ច្រើនការណាអ្វីៗ ក៍ហ៊ានធ្វើ អាចកើតជាអំពើលួចប្លន់អសន្និសុខក្នុងមូលដ្ឋាន៕
