សម្តេចតេជោ ហ៊ុន សែន នាយករដ្ឋមន្ត្រី នៃ កម្ពុជា បានបញ្ជាក់ថា រាជរដ្ឋាភិបាល នឹងសងថ្ងៃឈប់សំរាក បុណ្យចូលឆ្នាំខ្មែរ កន្លងមកនេះ ជូនកម្មករ និយោជិត មន្ត្រីរាជការ និងបុគ្គលិកឯកជន ចំនួន៥ថ្ងៃវិញ នៅពេលខាងមុខនេះ ហើយ បើតាមសម្តេច តេជោ ការផ្តល់សងថ្ងៃឈប់សំរាកនេះ អាចធ្វើឡើង នៅចុងខែកក្កដា ឬ ដើមខែសីហានេះ តែម្តង។
នៅក្នុងសារអេឡិចត្រូនិច ជាសំលេង តាមប្រពន្ធ័តេឡេក្រាម ផ្ញើជូនគណៈ កម្មាធិការជាតិ ប្រយុទ្ធប្រឆាំង នឹងកូវីដ១៩នៅថ្ងៃនេះ ប្រមុខរាជរដ្ឋាភិបាល សម្តេចតេជោ ហ៊ុនសែន នាយករដ្ឋមន្ត្រី នៃកម្ពុជា បានស្នើឲ្យរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ឯ.ឧ អូន ព័ន្ធមុនីរ័ត្ន ធ្វើការកោះប្រជុំ ឲ្យបានឆាប់ ដើម្បីដោះស្រាយ សងថ្ងៃឈប់បសំរាក នាឱកាសបុណ្យ ចូលឆ្នាំខ្មែរ កន្លងមកនេះ ជូនដល់មន្ត្រី រាជការ បុគ្គលិក កម្មករ និយោជិត ទូទាំងប្រទេស ដូចដែល រាជរដ្ឋាភិបាល បានសន្យានាពេលកន្លងទៅ។
ក្នុងសារជាសំលេង សម្តេចតេជោ បានបញ្ជាក់ថា ពេលនេះ រាជរដ្ឋាភិបាល អាចគ្រប់គ្រង ស្ថានភាពកូវីដ១៩បានល្អ ប្រសើរហើយ ហើយក៏ សមល្មមពេលវេលា សម្រាប់ផ្តល់សងថ្ងៃឈប់សំរាក៥ថ្ងៃ ជូនពួកគាត់ វិញ។
ក្រោយការឯកភាពគ្នា ឯ.ឧ ឧបនាយក រដ្ឋមមន្ត្រី ប៊ិន ឈិន រដ្ឋមន្ត្រីទីស្តីការគណៈរដ្ឋមន្ត្រី នឹងរៀបចំចេញជាអនុក្រិត ដើម្បីកំណត់សង ថ្ងៃឈប់សំរាកចំនួន៥ថ្ងៃ។ បើតាមសំលេងសម្តេច ការផ្តល់ជូននេះ នឹងអាចធ្វើឡើង នៅចុងខែនកក្កដា ឬ ដើមខែសីហានេះ តែម្តង។
ជាមួយ និងការផ្តល់ថ្ងៃឈប់សំរាកសងនេះដែរ នៅក្នុងសារសំលេង សម្តេចេតជោ ក៏បានលើកឡើង ពីកង្វល់ ទាក់ទង និងវិបត្តិ និងផល ប៉ះពាល់សេដ្ឋកិច្ច ពីកូវីដ១៩ផងដែរ ដោយ សម្តេច បានស្នើអោយ មានការដកចេញ នូវការដំកល់ប្រាក់ ៥ម៉ឺនដុល្លា និង៣ពាន់ដុល្លា ពីអ្នក វិនិយោគ នៅក្នុងស្រុកខ្មែរ និងអ្នកបច្ចេកទេស ក៏ដូចជា អ្នកវិនិយោគ ដែលធ្វើការនៅក្នុងស្រកខ្មែរ។ លើកលែង តែអ្នកផ្សេង គឺយើង គិតមួយឡែកទៀត។ ត្រូវរកវិធីបន្ធូរបន្ថយ យាងណា ដើម្បីដោះស្រាយនបញ្ហាសេដ្ឋកិច្ច ដែលកំពុងរងគ្រោះស្រាប់។ សម្តេចថា យើងដាក់ វិធានការណ៍នេះតឹងពេក។ ដូច្នេះ សូម ឯ.ឧ អូនពន្ធ័មុន្នីរត្ន័ ដឹកនាំការប្រជុំ អោបាឆាប់ ដែលអាចធ្វើទៅបាន ទាក់ទិនជាមួយនរឿងចូលឆ្នាំដែលត្រូវសំរាក៥ថ្ងៃ ហើយយកល្អអោយសំរាកពីថ្ងៃចន្ទ័ដល់អាទិត្យ សរុប១អាទិត្យតែម្តងទៅ។ និង រឿងទី២ ការដកចេញ ការតំកល់ប្រាក់ ៥ម៉ឺន ដុល្លា និង៣ពាន់ ដុល្លារ សំរាប់អ្នកវិនិយោគិន អ្នកបច្ចេកទេស ធ្វើការនៅស្រុកខ្មែរ ជាជនបរទេស ។ធ្វើបែបនេះ ដើម្បីបន្ធូរបន្ថយ និង ទាក់ទាញ អ្នកវិនិយោគបន្ថែមទៀត បានន័យថា រក្សាវិនិយោគចាស់ បន្ថែម អ្នកវិនិយោគថ្មី ដែលមិនមានបញ្ហាឧបសគ្គ ដោយសារការធានា នេះ៕
