ខេត្តកំពង់ចាម៖នៅរសៀលថ្ងៃទី០៦ ខែសីហា ឆ្នាំ២០២០ លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម បានអញ្ជេីញចុះត្រួតពិនិត្យការសាងសង់អាគារប៉ុស្តិ៍នគរបាលរដ្ឋបាល និងត្រួតពិនិត្យការងារនៅថ្នាក់មូលដ្ឋានមួយចំនួនដូចជា៖
១-ស្រុកកំពង់សៀម ពិនិត្យការសាងសង់អាគារថ្មីប៉ុស្តិ៍ហាន់ជ័យ ក្រោមការផ្ដួចផ្ដេីមកសាងពីសំណាក់ ឯកឧត្ដម នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ និងឯកឧត្តម អភិបាល នៃគណៈអភិលខេត្តកំពង់ចាម (សង់បាន៤០ភាគរយ) ក្នុងឱកាសនោះ លោកឧត្តមសេនីយ៍ស្នងការក៏បានចូលរួមឧបត្ថម្ភលេីការចំណាយ ការប្រក់ដំបូលអាគារ និងពិដាន ត្រូវចំណាយអស់ថវិកាប្រមាណជាង 2000$ លោកស្នងការរងទទួលពង្រឹងស្រុកកំពង់សៀម ឧបត្ថម្ភថវិកា 1000$ លោកអធិការនគរបាលស្រុកកំពង់សៀម ឧបត្ថម្ភថវិកា 500$ និងការចលនារបស់លោកនាយប៉ុស្តិ៍នគរបាលរដ្ឋបាលហាន់ជ័យ និងសប្បុរជនក្នុងស្រុកផងដែរ។
២-ស្រុកស្ទឹងត្រង់ ពិនិត្យការសាងសង់អាគារថ្មី ប៉ុស្តិ៍ព្រះអណ្ដូង សង់បាន៥០ភាគរយ (ជំនួយរបស់ក្រសួងមហាផ្ទៃ)
ពិនិត្យការចុះថត អត្តសញ្ញាណប័ណ្ណរបស់ក្រុមការងារចល័ត (ក្នុងផែនការយុទ្ធនាការ) ជូនប្រជាពលរដ្ឋនៅក្នុងឃុំសភាស ។
ក្នុងនោះ លោកឧត្តមសេនីយ៍ស្នងការ បានណែនាំឲ្យជំនាញយកចិត្តទុកដាក់ខ្ពស់លើការបំពេញលិខិតរដ្ឋបាល ជៀសវាងការបំពេញបែបបទខុសជូនប្រជាពលរដ្ឋ
៣-ស្រុកចំការលើ ពិនិត្យការសាងសង់អាគារថ្មី ប៉ុស្តិ៍ល្វា ជំនួយសប្បុរជន សងបាន ៦០ភាគរយ ។
បន្ថែមពីនោះទៀត លោកឧត្តមសេនីយ៍ស្នងការបានណែនាំដល់កម្លាំងថ្នាក់មូលដ្ឋាន ឲ្យខិតខំបន្តការផ្សព្វផ្សាយគោលនយោបាយ ភូមិ ឃុំ មានសុវត្ថភាព ដល់ប្រជាពលរដ្ឋក្នុងមូលដ្ឋានរបស់ខ្លួនផងដែរ ៕
