ភ្នំពេញ ៖ ករណីបុរសម្នាក់ដែលមិនដឹងអត្ដសញ្ញាណបានដេកស្លាប់នេះបង្កការភ្ញាក់ផ្អើលាលពីវេលាម៉ោងប្រហែល ០២:៣០នាទីរសៀលថ្ងៃទី០៦ ខែសីហា ឆ្នាំ២០២០ នៅមុខផ្សារមានផ្លាកយីហោ (ចិនយ៉ាងយ៉ាង) ស្ថិតនៅតាមបណ្តោយ ផ្លូវវេងស្រេង ភូមិត្រពាំងថ្លឹងទី២ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ។
ជាបឋមករណីដេកស្លាប់នេះគេមិនទាន់ដឹងថាជនរងគ្រោះមានឈ្មោះអ្វីឡើយទេ។ ចំណែកឯសពបានយកទៅតម្កល់ទុកនៅវត្តឬស្សីសាញ ដើម្បីស្វែងរកសាច់ញ្ញាតិយកទៅធ្វើបុណ្យតាមប្រពៃណី។
