ខេត្តបន្ទាយមានជ័យ៖ មេបញ្ជាការរងនិងជានាយសេនាធិការកងពលលេខ៥១ នៅខេត្តបន្ទាយមានជ័យបានរងរបួសធ្ងន់ក្រោយជួបគ្រោះថ្នាក់ចរាចរណ៍បើករថយន្តម៉ាកនីសាន់បាញ់ថ្នាំព័ណត្រេអ៉ី ពាក់ស្លាកលេខកងខេមរភូមិន្ទ 07-2-3405 បានបុកបាក់បង្គោលភ្លើងធំខ្សែបញ្ជូនតង់ស្យុងខ្ពស់។
ហេតុការណ៍គ្រោះថ្នាក់កើតឡើងកាលពីម៉ោង៥និង ៣០នាទី ល្ងាចថ្ងៃទី១០ខែធ្នូឆ្នាំ២០២០លើកំណាត់ផ្លូវជាតិលេខ៥ ចំណុចដើមពោធិ៍២ដើម ស្ថិតក្នុងភូមិសូរិយាថ្មីឃុំកូបស្រុកអូរជ្រៅខេត្តបន្ទាយមានជ័យ ។
បើតាមការអោយដឹងពីលោកវរសេនីយ៍ឯក សែស វិបុល អធិការនគរបាលស្រុកអូរជ្រៅបានអោយដឹងថា៖ គ្រោះថ្នាក់នោះគឺរថយន្តម៉ាកនីសាន់ព៌ណត្រេអ៉ី ពាក់ស្លាកលេខ ខេមរៈភូមិន្ទ 07 ,2-3405 បើកបរល្បឿនលឿនពីទិសខាងកើតទៅលិច ដល់កន្លែងកើតហេតុ រថយន្តបានឡើងជែងរថយន្តធំក្នុងទិសដៅស្របគ្នារួចបានកៀររថយន្តកូរ៉េបើកក្នុងទិសដៅច្រាសគ្នាពីកើតទៅលិច ហើយបានជុ្រលចង្កូតធ្លាក់ផ្លូវទៅបុកបង្គោលភ្លេីងធំ( ខ្សែបញ្ជូនតង់ស្យុងខ្ពស់១១៥គីឡូវ៉ុល របស់ក្រុមហ៊ុនត្រេនមីសិន ឡាញ : CPTL ) បណ្តាលអោយបង្គោល១ដើមបាក់ដល់ដី និងទាញទ្រេតបង្គោលផ្សេងទៀត ឯរថយន្តបានខូចខាតធ្ងន់ធ្ងរផ្នែកខាងមុខ ។
លោកអធិការបានបន្តទៀតថា ៖ ក្នុងហេតុការណ៍គ្រោះ ថ្នាក់នោះអ្នកបើកបររថយន្តគឺ លោកឧត្តមសេនីយ៍ត្រី ជុំ សេដ្ឋា មេបញ្ជាការរងនិងជានាយសេនាធិការកងពលតូចថ្មើរជើងលេខ៥១ បើកបរតែម្នាក់ឯង បានរងរបួសធ្ងន់ ហើយត្រូវបាននគរបាលនិងក្រុមអ្នកសង្គ្រោះប្រញាប់ដឹកបញ្ជូនទៅសង្គ្រោះព្យបាលនៅមន្ទីរពេទ្យខេត្តមិត្តភាពកម្ពុជា ជប៉ុន មង្គលបូរី។ឬអាចបន្តទៅពេទ្យណាផ្សេងទៀត៕ដោយ,លោកចាន់ពុធ
