ភ្នំពេញ៖ លោកវរសេនីយ៍ឯកហ៊ួ ម៉េងវ៉ាង អធិការនគរបាលខណ្ឌសែនសុខ បានប្រាប់មកអង្គភាពសារព័ត៌មាន BPN News ថា នៅថ្ងៃទី១៥ខែធ្នូឆ្នាំ២០២០ ម៉ោង១២ និង០០នាទី កម្លាំងប៉ុស្តិ៍នគរបាលភ្នំពេញថ្មី ឃាត់ខ្លួនជនសង្ស័យម្នាក់ ករណីលួចម៉ូតូកង់បីឥណ្ឌា នៅចំណុចមុខបន្ទប់ជួល ផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ បង្កដោយជនសង្ស័យម្នាក់ មធ្យោបាយថ្មើជើង កាលពីថ្ងៃទី១១ខែធ្នូឆ្នាំ២០២០។
លោកវរសេនីយ៍ឯកហ៊ួ ម៉េងវ៉ាង បានដឹងបន្ដថា ជនសង្ស័យម្នាក់មាន ឈ្មោះ លីរ៉ូ ហ្សាលី ភេទប្រុស អាយុ៣៩ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ៤៤៧ ផ្លូវបេតុង ភូមិស្វាប៉ាក សង្កាត់ស្វាយប៉ាក ខណ្ឌឬស្សីកែវ (មានសារធាតុញៀន) បានធ្វើសកម្មភាពលួចម៉ូតូកង់បីឥណ្ឌារបស់ជនរងគ្រោះឈ្មោះ ផុន អាត ភេទប្រុស អាយុ៣៨ឆ្នាំ ជនជាតិខ្មែរ មុខរបររត់ម៉ូតូកង់បីឥណ្ឌា ស្នាក់នៅបន្ទប់ជួល ផ្លូវ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។
សម្ភារៈបាត់បង់ ស្លាកលេខម៉ូតូកង់ ០១បន្ទះ លេខ1HA-6948 , សម្ភារៈបន្សល់ទុក ម៉ូតូកង់បីឥណ្ឌា ០១គ្រឿងប្រគល់ឲ្យជនសង្ស័យ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
