ខេត្ដព្រះសីហនុ ៖ សមត្ថកិច្ចខេត្តព្រះសីហនុ បានឃាត់ខ្លួនជនជាតិចិនម្នាក់ យកបាយឲ្យភ្ញៀវកំពុងធ្វើចត្តាឡីស័ក ស្រាប់តែឆែកឃើញមានថ្នាំញៀន។
ការឃាត់ខ្លួននេះ ធ្វើឡើងនៅព្រលប់ថ្ងៃទី១៥ ខែធ្នូ ឆ្នាំ២០២០ នៅកាស៊ីណូមួយ ឈ្មោះ ដៅឃ្វី ខូ ក្នុងបន្ទប់លេខ៦៣៦ តែត្រូវបានសមត្ថកិច្ចប្រចាំការនៅទីនោះ ត្រួតពិនិត្យឃើញមានថ្នាំញៀន ចំនួន២កញ្ចប់ (ក្នុងក្រដាស់ជូតមាត់ ១កញ្ចប់ និង ១កញ្ចប់ទៀតនៅក្នុងបារី)។
សមត្ថកិច្ចបានឲ្យដឹងថា ជនជាតិចិនម្នាក់ បានជិះរថយន្ត១គ្រឿង ម៉ាកអាល់ហ្វាត ពណ៌ខ្មៅ ពាក់ស្លាកលេខ ភ្នំពេញ 2AR-3377 បានយកបាយទៅឲ្យភ្ញៀវស្រី ចំនួន២នាក់ ដែលកំពុងធ្វើចត្តាឡីស័កនៅកាស៊ីណូមួយ ឈ្មោះ ដៅឃ្វី ខូ ក្នុងបន្ទប់លេខ៦៣៦ តែត្រូវបានសមត្ថកិច្ចប្រចាំការនៅទីនោះ ត្រួតពិនិត្យឃើញមានថ្នាំញៀន ចំនួន២កញ្ចប់។
បច្ចុប្បន្ន ជនសង្ស័យ និងវត្តុតាង បានប្រគល់ទៅឱ្យកម្លាំងស្នងការនគរបាលខេត្តព្រះសីហនុហើយ ដើម្បីចាត់ការតាមច្បាប់៕
