ខេត្ដបន្ទាយមានជ័យ៖ ខេត្តសាមុតសាខនជាខេត្តឧស្សាហកម្មមួយដ៏ធំរបស់ប្រទេសថៃ ខេត្តនេះមានពលករចំណាកស្រុកជាច្រើនពួជសាសន៍បានទៅរស់នៅដើម្បីធ្វើការតាមរោងចក្រ សហគ្រាសនិងចុះសមុទ្រ ក្នុងនោះក៏មានប្រជាពលរដ្ឋខ្មែរយ៉ាងច្រើនផងដែរ។ក្រោយមានការផ្ទុះជម្ងឺកូវិត១៩ ជាង៥០០ករណីក្នុងមួយថ្ងៃខេត្តនេះត្រូវបានប្រកាសដាក់ក្នុងភាពអាសន្ន ប្រជាពលរដ្ឋទាំងអស់ត្រូវបានបង្ខាំងមិនអោយធ្វើដំណើរចេញពីខេត្តដើម្បីអោយក្រុមគ្រូពេទ្យពិនិត្យនិងព្យាបាល។ដោយករណីផ្ទុះនេះបានធ្វើអោយប្រជាពលរដ្ឋជាពលករទាំងអស់មានការជ្រួលច្របល់ ភ័យខ្លាចពីការឆ្លងហើយបានបង្ខំចិត្តវិលនិវត្តន៍ទៅរកប្រទេសរបស់ខ្លួនតាមគ្រប់រូបភាព។ក្នុងនោះបងប្អូនប្រជាពលរដ្ឋខ្មែរដែលកំពុងស្ថិតក្នុងកាលៈទេសៈនោះក៏បានធ្វើការគេចវេសតាមគ្រប់រូបភាពមកកាន់ប្រទេសកម្ពុជាវិញដែរ។
ដើម្បីគ្រប់គ្រងសភាពការណ៍នៃការរីករាលជម្ងឺកូវិត១៩តាមរយៈនៃការវិលត្រឡប់របស់បងប្អូនពលករខ្មែរ រាជរដ្ឋាភិបាលកម្ពុជា សម្តេចតេជោ ហ៊ុន សែន បានដាក់បទបញ្ជាដល់គ្រប់បណ្តាខេត្តជាប់ព្រំដែនថៃបង្កើនការយកចិត្តទុកដាក់ គ្រប់គ្រងអោយបានរាល់ការវិលត្រឡប់របស់បងប្អូនខ្មែរដោយដាក់កម្លាំងអន្តរាគមន៍រឹតបន្តឹងការឆ្លងដែនអាណាធិបតេយ្យគ្មានការត្រួតពិនិត្យសុខភាពត្រឹមត្រូវ។ដើម្បីអនុវត្តន៍អនុសាសន៍នេះរដ្ឋបាលខេត្តបន្ទាយមានជ័យ ឯកឧត្តម អ៊ុំ រាត្រី ក៏បានដាក់ផែនការគោលដៅបើកច្រកធំបិទច្រករបៀងអោយជាប់សម្រាប់ទទួលរាល់ការវិលត្រឡប់របស់បងប្អូន។ជាមួយនិងការរៀបចំក្នុងការទទួលនេះដែរ នាយឧត្តមសេនីយ៍ ខេង សាមេធ អគ្គស្នងការរងនិងជាមេបញ្ជាការទិសយោធភូមិភាគទី៤និងទី៥បានចុះផ្ទាល់ដើម្បីដឹកនាំបញ្ជាកងកម្លាំងទាំងបីដែលកំពុងត្រៀមលក្ខណៈទប់ស្កាត់និងសម្រួលដល់ការវិលនិវត្តន៍។
ក្រោយពីមានការផ្ទុះនូវការឆ្លងជម្ងឺកូវិត១៩ក្នុងខេត្តសាមុតសាខនប្រទេសថៃរហូតមកទល់ថ្ងៃទី២១ខែធ្នូឆ្នាំ២០២០នេះឃើញថាមានពលករប្រុសស្រីចំណាកស្រុកប្រមាណជិត២០០នាក់ហើយដែលបានវិលនិវត្តន៍មកពីប្រទេសថៃវិញតាមច្រកបឹងត្រកួននៃស្រុកថ្មពួក។ពួកគាត់ត្រូវបានក្រុមការងារទទួលដោយភាពរាក់ទាក់និងបានអោយពួកគាត់ចូលរួមធ្វើចត្តាឡីសក័តាមការណែនាំរបស់ក្រសួងសុខាភិបាល។
ថ្លែងប្រាប់អ្នកយកព័ត៌មានកាលពីរសៀលថ្ងៃទី២១ខែធ្នូម្ស៉ិលម៉ិញ នាយឧត្ដមសេនីយ៍ ខេង សាម៉េត បានប្រាប់ឲ្យដឹងថាប្រមុខរាជរដ្ឋាភិបាលកម្ពុជាមានសម្តេចតេជោហ៊ុនសែន ជានាយករដ្ឋមន្ត្រី បានចេញសារបន្ទាន់មួយប្រកាសកុំឲ្យសាច់ញាតិនៅកម្ពុជាមានការព្រួយបារម្ភដល់កូនដែលថៃជម្លៀសមកកម្ពុជាវិញ ត្រូវជឿជាក់លើវិធានការណ៍ ដឹកនាំ របស់ក្រសួងសុខាភិបាលប្រទេសថៃ និង ពាក្យស្លោកមួយថា ស្រលាញ់គ្នាក្នុងគ្រា ក្រស្គាល់មិត្តល្អ ក្នុងគ្រាលំបាក។
នាយឧត្តមសេនីយ៍ ខេង សាមេធ ក៏បានបញ្ជាក់ផងដែរថា រថយន្ត៣០គ្រឿងបានមកដល់និងកំពុងបញ្ឈរតាមគោលដៅនៃបន្ទាត់ព្រំដែនដើម្បីដឹកជញ្ជូនបងប្អូនទៅកាន់ស្រុកកំណើតវិញដោយមិនយកថ្លៃក្រោយពីបានធ្វើចត្តាឡីស័កត្រឹមត្រូវរយៈពេល១៤ថ្ងៃ។ជាមួយនោះ បងប្អូនដែលវិលត្រឡប់មិនអនុញ្ញាតអោយធ្វើដំណើរដោយខ្លួនតាមរយៈរថយន្តឈ្នួលនោះទេ ធ្វើបែបនេះដើម្បីសម្រួលរាល់ការចំណាយផ្សេងៗរបស់បងប្អូននិងងាយស្រួលដល់ការគ្រប់គ្រងអោយបងប្អូនចូលរួមធ្វើចត្តាឡីស័កទាំងអស់គ្នាតាមគោលដៅមណ្ឌលដែលខេត្តបានរៀបចំទុក ធ្វើបែបនេះដើម្បីសហគមន៍យើងគ្មានការរីករាលជម្ងឺកូវិត១៩៕
