ភ្នំពេញ៖នៅថ្ងៃអង្គារ ១៣កើត ខែមាឃ ឆ្នាំ ជូត ទោស័ក ព.ស. ២៥៦៤ ត្រូវនឹងថ្ងៃទី២៦ ខែមករា ឆ្នាំ២០២១ វេលាម៉ោង៨និង៣០នាទីព្រឹក លោកវរសេនីយ៍ឯក ជឹម ស៉ីថា អធិការនគរបាលខណ្ឌដង្កោបានអញ្ជេីញដឹកនាំកិច្ចប្រជុំផ្សព្វផ្សាយផែនការស្ដីពីការលប់បំបាត់ការបង្កសំឡេងរំខានលើសកម្រិតដោយយានយន្តគ្រប់ប្រភេទ លេខ ០០៥ ផ.ក ចុះថ្ងៃទី២២ ខែមករា ឆ្នាំ ២០២១ របស់អគ្គស្នងការរងនិងជាស្នងការនគរបាលរាជធានីភ្នំពេញដើម្បី ឲ្យអង្គប្រជុំទាំងមូលបានជ្រាបនិងយកទៅអនុវត្តបន្ដឲ្យទទួលបានជោគជ័យ។
លើសពីនេះលោកអធិការក៏បានណែនាំឲ្យកងកម្លាំងទាំងអស់ត្រូវចូលរួមការពារថែរក្សាអនាម័យរៀងៗខ្លួន ដោយពាក់ម៉ាស លាងដៃជាមួយអាកុល ឬជែល ដើម្បីចូលរួមទប់ស្កាត់ការរីករាលដាលនៃជំងឺកូវីដ-១៩ តាមការណែនាំរបស់ក្រសួងសុខាភិបាល។
ជាចុងបញ្ចប់ លោកអធិការ បានផ្ដាំផ្ញើដល់កងកម្លាំងទាំងអស់ ធ្វើយ៉ាងណាបម្រើសេវាជូនប្រជាពលរដ្ឋ ឲ្យបានល្អប្រសើរ ជាពិសេសរង់ចាំទទួលពាក្យបណ្តឹង និងចេញល្បាតពួនស្ទាក់ ដើម្បីទប់ស្កាត់បទល្មើសក្នុងមូលដ្ឋាន។
ក្នុងកិច្ចប្រជុំនេះដែរ ក៏មានការអញ្ជើញចូលរួមពីលោក-លោកស្រី អធិការរង នាយប៉ុស្តិ៍ នាយផ្នែកទាំងអស់៕
