ខេត្តបន្ទាយមានជ័យ៖នាព្រឹកថ្ងៃទី២០ ខែសីហា ឆ្នាំ២០២១ ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ អមដំណើរដោយ លោក ហ៊ឹល រ៉យ៉ា អភិបាលក្រុងសិរីសោភ័ណ លោក អ៊ុង សុីផាន ប្រធានពន្ធនាគារខេត្ត បានអញ្ជើញចុះសួរសុខទុក្ខ និងនាំយកអំណោយដ៍ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ចែកជូនប្រជាពលរដ្ឋធ្វើចត្តាឡីស័កតាមផ្ទះ ចំនួន៩០គ្រួសារ នៅក្នុងសង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ។
ឯកឧត្តម អ៊ុំ រាត្រី អភិបាលនៃគណៈអភិបាល ខេត្តបន្ទាយមានជ័យ មានប្រសាសន៍សំណោះសំណាលជាមួយបងប្អូនប្រជាពល រដ្ឋ ហើយបានពាំនាំការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន នាយករដ្ឋមន្ត្រី និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុន សែន ដល់បងប្អូនប្រជាពលរដ្ឋទាំងអស់ដោយក្តីនឹករលឹក ជានិច្ចកាលសម្តេចទាំងទ្វេតែងតែយកចិត្តទុក្ខដាក់ខ្ពស់ចំពោះទុក្ខលំបាកប្រជាពលរដ្ឋ ។
ឆ្លៀតនៅក្នុងឱកាសនោះផងដែរ ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍ថារាជរដ្ឋាភិបាលកម្ពុជា ក៏ដូចអាជ្ញាជរខេត្ត និងមិនទុកឲ្យប្រជាពលរដ្ឋណាម្នាក់មានបញ្ហា ដោយការដាច់ស្បៀងហូបចុកនោះឡើយ ហើយឯកឧត្តមអភិបាលខេត្ត ក៏បានណែនាំដល់ពុកម៉ែបងប្អូនទាំងអស់ដែលរស់នៅតំបន់ភូមិសាស្ត្រមានការបិទខ្ទប់ សូមមានការចូលរួមទាំងអស់គ្នាក្នុងអំឡុងពេ លនេះ ដើម្បីសេចក្តីសុខ សុខភាព គោរពអនុវត្តតាមការណែនាំរបស់អាជ្ញាធរ និងកុំភ្លេច វិធានការ ៣ការពារ ៣កុំ អោយបានខ្ជាប់ខ្ជួន។
អំណោយក្នុងមួយគ្រួសារៗទទួលបានអង្ករ២៥គីឡូក្រាម , មី១កេស, ត្រីខ១យួរ ,ទឹកសុីអុីវ១យួរ, និងទឹកត្រី១យួរ ៕
