(ស្វាយរៀង) ៖ កាលពីថ្ងៃព្រហស្បតិ៍ ៨កើត ខែមិគសេរ ឆ្នាំខាលចត្វាស័ក ព.ស.២៥៦៦ ត្រូវនឹងថ្ងៃទី១ ខែធ្នូ ឆ្នាំ២០២២នេះ
ដោយមើលឃើញពីទុក្ខលំបាករបស់អ៊ុំស្រី សំ ផង់ អាយុជាង៦០ឆ្នាំ ជាស្ត្រីមេម៉ាយរស់នៅជាមួយកូនប្រុសមានសតិសូវល្អម្នាក់ និងតែងតែគិតគូរពីសុខទុក្ខពលរដ្ឋនៅក្នុងមូលដ្ឋាន លោកស្រី ពៅ បណ្តាំ មេឃុំតាសួសក្រុមប្រឹក្សាឃុំ លោកមេភូមិ បានសហការជាមួយក្រុមការងារមនុស្សធម៌ មានលោក ស្រី វី ,លោក សុខ ម៉ានិត និងលោក រាជ សារ៉េត បាននាំយកគ្រឿងឧបភោគបរិភោគនិងថវិកាមួយចំនួនមកជួយឧបត្ថម្ភដើម្បីសម្រួលដល់ជីវភាពក្នុងការរស់នៅប្រចាំថ្ងៃរបស់អ៊ុំស្រីបានខ្លះតាមលទ្ធភាព។
សម្ភរៈជាគ្រឿងឧបភោគបរិភោគនោះបានមកពីការចូលរួមរបស់បងប្អូនដែលមានចិត្តសប្បុរសធម៌រួមមាន លោកស្រី ពៅ បណ្តាំ មេឃុំតាសួស ថវិកា៥មុឺនរៀល លោក ស្រី វី សម្ភារៈទាំងអស់រួមនិងថវិកា២មុឺនរៀល លោក សុខ ម៉ានិត ថវិកា៤មុឺនរៀល លោក រាជ សារ៉េត ថវិកា ៤មុឺនរៀល លោក ប្រុញ ថវិកា ២មុឺនរៀល លោក អូន ទូច ថវិកា ២មុឺនរៀល លោក អ៊ុន វុទ្ធី ថវិកា ២មុឺនរៀល និងបរិសុទ្ធ១០យួរ សរុបថវិកាទាំងអស់ ៣៨៥,០០០រៀល។
លោកស្រីមេឃុំក៏បានមានមតិសំណេះសំណាលពាំនាំនូវពាក្យផ្តាំផ្ញើរសាកសួរសុខទុក្ខពីណាក់ថ្នាក់ដឹកនាំគ្រប់ជាន់ថ្នាក់ផងដែរ ហើយលោកស្រីក៏សូមថ្លែងអំណរគុណដល់អស់លោកលោកស្រីសប្បុរស់ជនដែលមានចិត្តសប្បុរសធម៌ដែលបានចំណាយទ្រព្យសម្បត្តិផ្ទាល់ខ្លួនដើម្បីជួយអ៊ុំស្រី និងតែងតែជួយជាបន្តបន្ទាប់នៅក្នុងឃុំតាសួសនេះ។
សម្ភារៈដែលទទួលបានរួមមាន ៖អង្ករ៥០kg ,ទឹកត្រី១យួរ,ទឹកសុីអ៊ាវ១យួរ,មីមួយកេស,ស្កសរ,ប៊ីចេង,ត្រីខកំប៉ុង១យួរ, ទឹកបរិសុទ្ធ១០យួរ និងថវិកា២១មុឺនរៀលផងដែរ។
នៅថ្ងៃដដែលនោះដែរលោកស្រីមេឃុំក៏បានដឹកនាំក្រុមការងារ បន្តចុះទៅពិនិត្យស្ថានភាពផ្ទះអ្នកមីង សំ សឿន អាយុ៥២ឆ្នាំ ជាស្ត្រីមេម៉ាយ រស់នៅម្នាក់ឯង ដើម្បីគ្រោងនិងជួយរៀបចំផ្ទះជូនគាត់អោយបានសមរម្យ ដែលមានទីតាំងនៅភូមិអង្គាសដី ឃុំតាសួស ស្រុកស្វាយជ្រំ ខេត្តស្វាយរៀង ៕
