ខេត្ដស្វាយរៀង៖ លោកហែម សុីណាអញ្ចើញចុះពិនិត្យមើលផ្លូវភ្លឺស្រែមួយខ្សែពង្រីកជាផ្លូវលំ នៅភូមិទួលសាលា ឃុំជ្រុងពពេល ស្រុករំដួល ខេត្ដស្វាយរៀងដែលជាថវិកាចូលរួមសហការគ្នារបស់បងប្អូនប្រជាពលរដ្ឋ នាល្ងាចថ្ងៃទី២៨ខែកុម្ភៈឆ្នាំ២០២៣ ។
ការចុះពិនិត្យមើលផ្លូវភ្លឺស្រែមួយខ្សែពង្រីកជាផ្លូវលំ មានការអញ្ចើញចូលរួមពី៖មន្ដ្រីសាលាស្រុករំដួល លោកមេឃុំ លោកមេភូមិ និងបងប្អូនប្រជាពលរដ្ឋផងដែរ។
ពលរដ្ឋបានលើកឡើងថា ផ្លូវមួយខ្សែនេះដោយមើលឃើញការធ្វើដំណើររបស់បងប្អូនប្រជាពលរដ្ឋក៏ដូចជាសិស្សានុសិស្សធ្វើដំណើរទៅសិក្សាមានការលំបាកដូច្នេះ បងប្អូនប្រជាពលរដ្ឋក៏បានសហការគ្នា នូវថវិកាបន្ដិចបន្តួចធ្វើផ្លូវនេះតែម្ដងដើម្បីឲ្យបងប្អូនប្រជាពលរដ្ឋធ្វើដំណើរស្រួលក៏ដូចជាដឹកជញ្ជូនកសិផលផ្សេងៗបានយ៉ាងងាយស្រួលផងដែរ ដោយមានការសហការជាមួយអាជ្ញាធរភូមិឃុំ ។
លោកហែម ស៊ីណា អភិបាលស្រុករំដួលបានថ្លែងថា លោកមានចិត្តត្រេកអរយ៉ាងខ្លាំងដោយឃើញប្រជាពលរដ្ឋអាជ្ញាធរភូមិ ឃុំ បានសហការគ្នាយ៉ាងល្អធ្វើផ្លូវមួយខ្សែនេះក្លាយជាផ្លូវលំហើយលោកនឹងឲ្យលោកមេឃុំលើកគម្រោងផ្លូវមួយខ្សែនេះដាក់គម្រោងក្នុងការអភិវឌ្ឍន៍របស់ឃុំក្នុងពេលឆាប់ៗនេះដែលមានប្រវែង២៥០០ម៉ែត្រ ព្រោះថាផ្លូវជាសរសៃឈាមនៃសេដ្ឋកិច្ចសម្រាប់ការអភិវឌ្ឍផងដែរ ។
ឆ្លៀតនៅក្នុងឱកាសនោះដែរលោកហែម ស៊ីណា អភិបាលស្រុករំដួលបាននាំយកថវិកាមួយចំនួនចូលរួមចំណែកសហការជាមួយបងប្អូនប្រជាពលរដ្ឋដែលកំពុងធ្វើផ្លូវភ្លឺស្រែមួយខ្សែពង្រីកជាផ្លូវលំផងដែរ ៕
