ភ្នំពេញ ៖ ទីតាំងហ្គេមបាញ់ត្រីខ្នាតយក្សដ៏ធំប្រចាំខណ្ឌពោធិសែនជ័យ ដែរស្ថិតក្នុងភូមិតាងួន២ សង្កាត់កាកាប១ ខណ្ឌពោធិ៍សែនជ័យ នៅតែបន្ដដំណើរការ បានដដែល។
កាលពីពេលថ្មីៗនេះដែរ គេក៏ឃេីញមានវត្តមានរបស់លោក ឈួន ឆាយារិទ្ធ នាយករដ្ឋបាលខណ្ឌពោធិសែនជ័យ បានចុះទៅដល់ទីតាំងហ្គេមបាញ់ត្រីខ្នាតយក្សដ៏ធំប្រចាំខណ្ឌរបស់ខ្លួនប៉ុន្តែមិនទាន់ឃេីញមានការបង្រ្កាប ឬក៏ដកហូតទូហ្គេមបាញ់ត្រីនៅទីតាំងខាងលើនោះឡើយ។
មជ្ឈដ្ឋានទូទៅហាក់ស្រងាកចិត្ត និងមានការឆ្ងល់យ៉ាងខ្លាំង ដោយសាតែមូលហេតុអ្វីបានជាមិនបង្រ្កាប ខណៈល្បែងស៊ីសងនេះហើយជាដេីមចម នៃបទល្មើសជាច្រើនដូចជា លួច ឆក់ ប្លន់ និងអំពើហិង្សា នៅក្នុងមូលដ្ឋាន។
ពលរដ្ឋកំពុងរង់ចាំមេីលថា តើលោក សក់ ច័ន្ទកញ្ញារិទ្ធ អភិបាលខណ្ឌពោធិ៍សែនជ័យ ហ៊ានបង្ក្រាបល្បែងស៊ីខ្នាតយក្សដ៏ធំប្រចាំខណ្ឌពោធិសែនជ័យនេះដែរឬទេ? ឬក៏ខ្លាចបារមីម្ចាស់ទីតាំង? ឬក៏ខ្លាចអស់តំណែងតួនាទី?
ការមិនបង្ក្រាបល្បែងស៊ី នៅក្នុងមូលដ្ឋានរបស់ខ្លួន ហាក់ជាការដេីរបញ្រ្ចាសទិស ពីគោលនយោបាយភូមិ ឃុំ សង្កាត់ មានសុវត្ថិភាព ទាំង៧ ចំណុចរបស់រាជរដ្ឋាភិបាលកម្ពុជា។
គួររំលឹកថា កាលថ្ងៃទី១៧ ខែកញ្ញា ឆ្នាំ២០២២ កន្លងទៅ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញបទបញ្ជាដាច់ណាត់មួយឲ្យអភិបាលរាជធានី ខេត្ត ទូទាំង២៥ ខេត្តក្រុង ត្រូវបិទទីតាំងបនល្បែងស៊ីសង គ្រប់ប្រភេទទាំងអស់អោយខាងតែបាន។ សម្តេចតេជោហ៊ុនសែន បានបញ្ជាក់យ៉ាងច្បាស់ដាច់ណាត់ថា អាជ្ញាធរស្រុក ក្រុង ខេត្តណា ដែលមិននាំគ្នាទប់ស្កាត់និងបង្ក្រាប បទល្មើសល្បែងស៊ីសង នៅក្នុងមូលដ្ឋានរបស់ខ្លួនទេ? អាជ្ញាធរនិងសមត្ថកិច្ចទាំងនោះ នឹងត្រូវប្រឈមបាត់បង់តំណែងទៀតផង។
មជ្ឈដ្ឋានទូទៅកំពុងរង់ចាំមេីលថា តើទាំងហ្គេមបាញ់ត្រីខ្នាតយក្សដ៏ធំប្រចាំខណ្ឌពោធិសែនជ័យ លោក សក់ កញ្ញារិទ្ធ អភិបាលខណ្ឌពោធិ៍សែនជ័យ មានសមត្ថភាព និងហ៊ានបង្ក្រាបដែរទេ?
