(ឧត្តរមានជ័យ)អាជីវករម្នាក់ឈប់ម៉ូតូក្បែរមាត់ផ្លូវដើរចូលទិញម្ហូបភ្លេចដកកូនសោរចេញក៏ត្រូវចោរលួចជិះយកទៅបាត់ដោយសុវត្ថិភាពបង្កឲ្យមានការភ្ញាក់ផ្អើលឆោរឡោដល់អ្នកភូមិទាំងកណ្តាលថ្ងៃត្រង់។ករណីចោរលួចម៉ូតូនេះបានកើតឡើងកាលពីអំឡុងថ្ងៃម្សិលមិញនៅវេលាម៉ោង១៣និង៤៩នាទី ថ្ងៃទី១៦ខែកក្ក្កដាឆ្នាំ២០២៣ស្ថិតនៅក្នុងភូមិដូនកែនសែនជ័យ សង្កាត់សំរោង ក្រុងសំរោង ខេត្តឧត្តរមានជ័យ។
ប្រភពពីជនរងគ្រោះឈ្មោះផែនចរិយាភេទស្រីអាយុ៣៤ឆ្នាំមុខរបរលក់រស់នៅក្នុងភូមិឃុំកើតហេតុខាងលើបានរៀបរាប់ប្រាប់ឲ្យដឹងនៅថ្ងៃទី១៧ខែកក្កដាឆ្នាំ២០២៣នេះ កាលពីថ្ងៃម្សិលមិញវេលាម៉ោង១សៀលជាងនេះគាត់បានជិះម៉ូតូចេញពីផ្ទះដើម្បីទៅរកទិញម្ហូប លុះពេលទៅដល់ឈប់ម៉ូតូដោយពុំដកសោរចេញនោះទេហើយក៏ដើរមើលមុខម្ហូបមិនទាន់បាន២នាទីផងខណ:ពេលនោះក៏បានលឺសម្លេងបញ្ឆេះម៉ូតូក៏មានងាយមកឃើញភិនភាគចោររាងខ្ពស់ស្គមជិះទៅទិសខាងត្បូងគាត់ក៏បានស្រែកថាចោរៗដែរតែគ្មានអ្នកភូមិណាជួយឃាត់ឡើយ។
ជនរងគ្រោះដដែលបានអះអាងបន្តថា ម៉ូតូដែលត្រូវចោរលួចនោះម៉ាកទ្រីមសេ១២៥ពណ៌ខ្មៅផលិតឆ្នាំ២០២០ពាក់ស្លាកលេខឧត្តរមានជ័យ.1.E.6276 ក្រោយកើតហេតុភ្លាមៗគាត់បានរាយការណ៏នឹងដាក់ពាក្យបណ្តឹងទៅសមត្ថកិច្ចឲ្យជួយអន្តរាគមន៏នឹងជួយឆែកកាម៉េរ៉ាសុវត្ថិភាពអ្នកជិតខាងដើម្បីកំណត់មុខសញ្ញាចោរនោះរួចរាល់អស់ហើយ តែលទ្ធយ៉ាងណានោះក៏មិនទាន់ដឹងនោះដែរ។
បើតាមប្រភពពីអ្នកលក់ម្ហួបបានបង្ហើបប្រាប់ឲ្យដឹងនៅថ្ងៃទី១៧ខែកក្កដាឆ្នាំ២០២៣ថា កាលពីម្សិលមិញមានស្រីម្នាក់បានមកឈប់ទិញម្ហូបគាត់ពិតមែននៅក្នុងអំឡុងម៉ោង១រសៀលជា ដោយមកឈប់រកទិញម្ហូបដូចសព្វដង ហើយពេលនោះគាត់នឹងកូនរបស់គាត់ក៏បានឃើញមនុស្សប្រុសម្នាក់ដើរសំដៅមកកន្លែងគាត់លក់ ម្ហូប ដោយគិតថាមករកទិញម្ហូបដែរ តែដឹងអីមនុស្សប្រុសនោះបានធ្វើសកម្មជិះលួចម៉ូតូស្ត្រីនោះបាត់តែម្តង ខណ:នោះគាត់ក៏ស្រឡាំងកាំងដែរ ដោយពេលឃើញចោរលួចម៉ូតូភ្ញៀវមកទិញម្ហូបបែបនេះ ហើយគាត់ក៏ពុំបានដឹងថា ម្ចាស់គេឈប់ម៉ូតូភ្លេចដកសោរនោះដែរ ហើយមួយវិញទៀតកាលពីម្សិលមិញនឹងជាថ្ងៃអាទិត្យឈប់សម្រាកទៀត បើរាល់ថ្ងៃវិញមានមនុស្សច្រើនហើយធានាគារគេធ្វើការមនុស្សច្រើនទៀត អាចដេញតាមចោរដែរលួចម៉ូតូនោះបានហើយ តែដោយឡែកថ្ងៃនឹងចៃសន្យអ្វីពេលស្ត្រីដែលត្រូវចោរលួចម៉ូតូនោះពេលមកទិញម្ហូបស្ងាត់ឈឹងតែម្តង។
