(ឧត្តរមានជ័យ)កម្លាំងអាវុធហត្ថឃាត់ខ្លួនបានជនសង្ស័យចំនួន០៤នាក់ជាក្មេងទំនើងករណីប្រើហិង្សាដោយចេតនាទាញដាវកាប់ទៅលើក្រុមម្ខាងផ្សេងទៀតបណ្តាលឲ្យរបួសចំនួន២នាក់យ៉ាងធ្ងន់ធ្ងរ ខ្លះអាយ៉ះក្បាល និងត្រូវកញ្ចឹងកដេរម្នាក់ៗដប់ទៅម្ភៃថ្នេរ ។ដែលហេតុការណ៏នេះបានកើតឡើងនៅចុងសប្តាហ៏កន្លងទៅនៅវេលាម៉ោង១៤នឹង០០នាទីស្ថិតនៅក្នុងភូមិត្រពាំងប្រីត ឃុំបាក់អន្លូង ស្រុកត្រពាំងប្រាសាទ កាលពីអំឡុង ថ្ងៃទី០៤ ខែសីហា ឆ្នាំ២០២៣។
ក្រោយទទួលបានពត៌មានពីប្រជាពលរដ្ធបានរាយការណ៏មកថា មានក្រុមក្មេងទំនើង២ក្រុមដេញកាប់គ្នានៅត្រង់ចំណុចខាងលើ ដោយទទួលបានការចង្អុលបង្ហាញនឹងបទបញ្ជាផ្ទាល់ពីលោកឧត្តមសេនីយ៏ត្រី លីដារិទ្ធមេបញ្ជាការកងរាជអាវុធហត្ថខេត្ត ចាត់បញ្ជាផ្ទាល់ទៅកម្លាំងកងរាជអាវុធហត្ថស្រុកត្រពាំងប្រាសាទ ចំនួន០៥នាក់ រថយន្ត០២គ្រឿង អាវុធ០៣ដើម វិទ្យុទាក់ទង ០៥គ្រឿង ដឹកនាំដោយលោក វរសេនីយ៍ត្រី កេីត ខេមរៈ មេបញមេបញ្ជាការអាវុធស្រុក សហការជាមួយ កម្លាំង នគបាលស្រុកចំនួន១០នាក់ ដឹកនាំដោយលោក វរសេនីយ៍ទោ ជ័យ វាសនា អធិការនគបាលស្រុក ចុះធ្វើការស្រាវជ្រាវរហូតឈានដល់ការឃាត់ខ្លួនជនសង្ស័យបានជាបន្តបន្ទាប់ចំនួន០៤នាក់។
១/ឈ្មោះប៉េង ព្រួញ ភេទប្រុស អាយុ៣១ឆ្នាំ មុខរបរ ជាងសិប្បកម្ម
២/ឈ្មោះប៉េង ព្រឿង ភេទប្រុស អាយុ២១ឆ្នាំ មុខរបរ ជាងសិប្បកម្ម
៣/ឈ្មោះប៉េង ព្រុំ ភេទប្រុស អាយុ២៤ឆ្នាំ មុខរបរ ជាងសិប្បកម្ម
៤/ឈ្មោះ ស៊ន ធួន ហៅខ្លី ភេទប្រុស អាយុ២០ មុខរបរ កម្មករ (ជនដៃដល់)កាន់កាំបិតកាប់ទៅលើជនរងគ្រោះ។
យោងតាមរបាយកាណ៏របស់មន្ត្រីជំនាញអាវុធហត្ថស្រុកបានបញ្ជាក់ថា ជនដៃដល់ទាំង០៤នាក់ រស់នៅភូមិត្រពាំងប្រីយ ឃុំបាក់អន្លូង ស្រុកត្រពាំងប្រាសាទ ខេត្តឧឧត្ដរមានជ័យដែលជាប់ពាក់ពន្ធ័ ករណីហឹង្សាដោយចេតនា ប្រព្រឹត្តកាលពីវេលាម៉ោង ១១នឹង៣០នាទីកាលពីអំឡុងថ្ងៃទី០៣ខែសីហា ឆ្នាំ២០២៣ កន្លងទៅថ្មីៗនៅចំណុចមាត់ស្រះបុរាណស្ថិតនៅ ភូមិត្រពាំងប្រាសាទ ឃយំត្រពាំងប្រាសាទ ស្រុកត្រពាំងប្រាសាទខេត្តឧត្ដរមានជ័យ ដែលបានធ្វើសកម្មភាពយកដាវកាបើបណ្ដាលឲ្យជនរងគ្រោះរងរបួសធ្ងន់ចំនួន០២នាក់។
១/ឈ្មោះ ជា មករា ភេទប្រុស អាយុ២៣ឆ្នាំ មុខរបរ សិស្ស រស់នៅភូមិ/ឃុំ/ស្រុកត្រពាំងប្រាសាទខេត្តឧត្ដរមានជ័យ រងរបួសចំកញ្ចឹងកមួយកាំបិទប្រវែង១៥សង់ទីម៉ែត្រជុំរៅ០១សង់ទីម៉ែត្រ។
២/ឈ្មោះ ជួប ចន្នី ភេទប្រុស អាយុ១៩ឆ្នាំ មុខរបរ សិស្ស រស់នៅភូមិ/ឃុំ/ស្រុកត្រពាំងប្រាសាទខេត្តឧត្ដរមានជ័យ រងរបួសក្បាល។
គួររំលឹកថា បើតាមការអះអាងពីលោកអនុសេនីយ៏ឯកទិព្វ សារ៉ែនមេបញ្ជាការរងកងរាជអាវុធហត្ថស្រុកត្រពាំងប្រាសាទឲ្យបញ្ជាក់ឲ្យដឹងនៅថ្ងៃទី០៥ខែសីហាឆ្នាំ២០២៣ថា ក្នុងចំណោមបក្សពួកជនសង្ស័យចំនួន០៤នាក់ខាងលើដែលបានធ្វើសកម្មភាពកាប់ទៅលើជនរងគ្រោះ២នាក់ឲ្យរងរបួសក្នុងនោះមានម្នាក់ឈ្មោះ(ស៊នធួនហៅខ្លី)រួមជាមួយវត្ថុតាងដាវត្រូវបានប្រគល់ឲ្យទៅបាននគរបាលស្រុកត្រពាំងប្រាសាទចាត់ការទៅតាមនីតិវិធីពីព្រោះថាករណីនេះកម្លាំងប៉ូលីសគេឃាត់ខ្លួនបានមុនខណ:នៅពេលសហការគ្នារួចក៏បានប្រគល់ទៅខាងកម្លាំងនៃអធិការស្រុកតែម្តង។
នៅចំពោះមុខក្រោយសាកសួរអស់ជាច្រើនម៉ោងជនសង្ស័យខាងលើបានឆ្លើយសារភាពថា ពួកខ្លួនពិតជាបានកាប់ទៅលើជនរងគ្រោះពិតប្រាកដមែន។
បច្ចុប្បន្ន ជនសង្ស័យនិងវត្ថុតាងដែលដកហូតបានមានដាវ ត្រូវបានកម្លាំងអាវុធហត្ថស្រុកត្រពាំងប្រាសាទកំពុងធ្វេីកំណត់ហេតុបញ្ជូនបន្តចាត់ការតាមនីតិវិធីច្បាប់។
