(ឧតត្តរមានជ័យ) បញ្ជូនក្តិបចោរ២នាក់ដែលសកម្មខាងដើរលួចទ្រព្យសម្បត្តិបងប្អូនប្រជាពលរដ្ធទៅកាន់ស្នងការខេត្តហើយដើម្បីអនុវត្តតាមនីតិវិធីច្បាប់នេះបើតាមការឲ្យដឹងពីលោកវរសេនីយ៏ទោ សត្សារ៉ូម៉េអ៊ូ អធិការរងទទួលផែនការងារនគរបាលយុត្តិធម៌នៅព្រឹកថ្ងៃទី០៩ខែសីហាឆ្នាំ២០២៣ ករណីឃាត់ខ្លួនក្តិបចោរទាំង២នាក់នេះដែរធ្វើឡើងដោយមានការណែនាំ និងចង្អុលបង្ហាញពីសំណាក់ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តឧត្តរមានជ័យ នៅថ្ងៃទី០៥ ខែសីហា ឆ្នាំ២០២៣ ក្រោយពីបានទទួលព័ត៌មាន និងបណ្តឹងពីជនរងគ្រោះឈ្មោះ ឃិន ដាលីន ភេទស្រី អាយុ ៣៦ឆ្នាំ មានទីលំនៅភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តមានជ័យ ថា៖ កាលពីថ្ងៃទី០៣ ខែសីហា ឆ្នាំ២០២៣ វេលាម៉ោងចន្លោះ ១៨:៣០នាទី ដល់ម៉ោង ២៣:០០នាទី នៅចំណុចភូមិបុរីរដ្ឋបាល សង្កាត់សំរោង ក្រុងសំរោង ខេត្តឧត្តរមានជ័យ មានកើតករណី លួចមានស្ថានទម្ងន់ទោស បង្កឡើងដោយជនសង្ស័យមិនស្គាល់អត្តសញ្ញាណ បានឆ្លៀតឱកាសម្ចាស់ផ្ទះមិននៅ និងមិនបានចាក់សោរផ្ទះ លបចូលធ្វើសកម្មភាពគាស់ក្បឿងដំបូលបន្ទប់ទឹកចូលក្នុងផ្ទះ នឹងគាស់សោរថតតុសំអាង លួចយកលុយ ចំនួន ០១លានរៀលជាង និងខ្សែរកមាស ចំនួន ០១ ខ្សែរ ទម្ងន់ ០៥ជី របស់ជនរងគ្រោះខាងលើ។
ក្រោយពេលទទួលបានពត៌មានខាងលើ លោកវរសេនីយ៍ឯក ហម ភិរម្យ អធិការ នៃអធិការដ្ឋាននគរបាលក្រុងសំរោង បានចាត់លោកវរសេនីយ៍ទោ សត្យា រ៉ូម៉េអ៊ូ អធិការរងទទួលផែនការងារនគរបាលយុត្តិធម៌ ដឹកនាំកម្លាំងជំនាញផែន សហការណ៍ជាកម្លាំងនគរបាលប៉ុស្តិ៍រដ្ឋបាលសំរោង ចុះដល់កន្លែងកើតហេតុធ្វើការពិនិត្យស្រាវជ្រាវ និងកំណត់មុខសញ្ញា រហូតឈានដល់ការឃាត់ខ្លួនជនសង្ស័យចំនួន ០២នាក់: ១-ឈ្មោះ សូត្រ ហាន់ណាហ្វី ភេទប្រុស អាយុ ១៥ឆ្នាំ មានទីលំនៅភូមិកើតហេតុខាងលើ, ២-ឈ្មោះ វណ្ណ ធូ ភេទប្រុស អាយុ ១៣ឆ្នាំ ភូមិកើតហេតុខាងលើ។
ក្នុងពេលសួរនាំជនសង្ស័យទាំង ០២នាក់ខាងលើ បានឆ្លើយសារភាពប្រាប់សមត្ថកិច្ចថា: កាលពីអំឡុងថ្ងៃទី០៣ ខែសីហា ឆ្នាំ២០២៣ វេលាម៉ោងប្រហែល ២១:០០នាទីកន្លងទៅ ដោយឃើញផ្ទះរបស់ឈ្មោះ ឃិន ដាលីន មានសភាពស្ងាត់គ្មានមនុស្សនៅ ពួកខ្លួនបាននាំគ្នាចូលក្នុងបរិវេណផ្ទះដោយផ្លោះតាមរបងខាងក្រោយ បន្ទាប់មកដោយគាស់ទ្វារបន្ទប់ពុំបាន ពួកខ្លួនក៏នាំគ្នាឡើងលើដំបូលផ្ទះហើយយកដែកគាស់ក្បឿងដំបូលបន្ទប់ទឹកចំនួន ០៣ ប្រឡោះ រួចទម្លាក់ខ្លួនចូលក្នុងបន្ទប់ធ្វើសកម្មភាពយកដែកគាស់ថតតុសំអាងដែលនៅជាប់ជញ្ជាំងបន្ទប់ទឹក លួចយកបានលុយចំនួន ០១លានរៀល និងខ្សែរកមាសចំនួន ០១ខ្សែរ បន្ទាប់មកពួកខ្លួនក៏នាំគ្នាចេញទៅវិញតាមប្រឡោះក្បឿងដំបូលបន្ទប់ទឹក នឹងបានយកលុយទៅចែកគ្នា។
បច្ចុប្បន្នជនសង្ស័យទាំង ០២នាក់ខាងលើ ត្រូវបានកសាងសំណុំរឿងបញ្ជូនទៅកាន់ស្នងការដ្ខាននគរបាលខេត្តដេីម្បីចាត់ការតាមនិតិវិធី ៕
