កណ្ដាល៖រឿងរ៉ាវហួសចិត្តមួយបានកើតឡើងកាលពីវេលាម៉ោង០៦និង៣០នាទីព្រឹកថ្ងៃទី១២ខែមិថុនាឆ្នាំ២០១៩ស្ថិតក្នុងភូមិឈ្វាំង ឃុំឈ្វាំង ស្រុកពញាឮ ខេត្តកណ្ដាល បន្ទាប់ពីបុរសកំហូចដែលជាប្ដីម្នាក់បាននាំស្រីស្នេហ៍ទៅដេកក្នុងផ្ទះពេលស្ត្រីដែលជាប្រពន្ធទៅមើលម្ដាយឈឺនៅស្រុកកំណើត។
បើតាមការរៀបរាប់ពីស្ត្រីដែលជាប្រពន្ធបានរៀបរាប់ទាំងទឹកភ្នែកអោយដឹងថាគាត់បានរៀបការជាមួយនឹងប្ដីកំហូចរូបនេះតាំងពីឆ្នាំ២០១៥មកម្លេះហើយគាត់បានមានកូនប្រុសជាមួយប្ដីកំហូចរូបនេះចំនួនម្នាក់។
ស្ត្រីដែលជាប្រពន្ធបានរៀបរាប់បន្ដទៀតថា មុនពេលកើតហេតុកាលពីបុណ្យចូលឆ្នាំប្រពៃណីខ្មែរគាត់បានបបួលប្ដីកំហូចរូបនេះទៅមើលម្ដាយឈឺនៅស្រុកកំណើតឯខេត្តតាកែវប៉ុន្ដែប្ដីកំហូចរូបនេះមិនព្រមទៅទេមិនតែប៉ុណ្ណោះប្ដីរបស់គាត់បែជារករឿងហើយបណ្ដេញគាត់ចេញពីផ្ទះទៀតផង។
កាលពីថ្ងៃទី០១ខែមិថុនាឆ្នាំ២០១៩គាត់បានឮដំណឹងថាប្ដីកំហូចរូបនេះយកស្រីកំណាន់មកដេកដល់ផ្ទះពេលបានដំណឹងនេះភ្លាមគាត់ក៌បានជិះរថយន្ដឈ្នួលមកពីស្រុកកំណើតវិញពេលមកដល់ផ្ទះស្រាប់តែឃើញប្ដីរបស់គាត់នឹងស្រីកំណាន់នៅក្នុងផ្ទះតែ២នាក់គាត់មែន។
បច្ចុប្បន្នស្ត្រីដែលជាប្រពន្ធបានរាយកាណ៍ប្រាប់សមត្ថកិច្ចដើម្បីជួយមានវិធានការចាត់ការតាមច្បាប់៕
