ភ្នំពេញ៖ មានអំពើឃាតកម្មដ៏សាហាវមួយបានកើតឡើងខណះក្មួយប្រុសយកឈើជ្រុងវាយពូបង្កើតពីក្រោយបណ្តាលប្រកាច់ស្លាប់ក្នុងថ្លុកឈាមយ៉ាងអាណោចអាធម៍ករណីឃាតកម្មនេះបង្ករអោយមានការ ភ្ញាក់ផ្អើលកើតឡើងកាលវេលាម៉ោង៤និង៣០នាទីល្ងាចថ្ងៃទី១២ខែមិថុនាឆ្នាំ២០១៩។ស្ថិតក្នុងភូមិអណ្តូង សង្កាត់គោករកាខណ្ឌព្រែកព្នៅ។
សពជនរងគ្រោះមានឈ្មោះ កែម ការីវុធ ភេទប្រុសអាយុ៥១ឆ្នាំមុខរបរត់កង់បីស្នាក់នៅ ភូមិអណ្តូងសង្កាត់គោករកា ខណ្ឌព្រែកព្នៅ រាជធានីភ្នំពេញ។
ចំណែកជនដៃដល់ជាក្មួួយមានឈ្មោះ ហេង ចាន់សុផល ភេទប្រុសអាយុ២៨ឆ្នាំមុខរបនៅផ្ទះស្នាក់នៅផ្ទះកើតហេតុជាប់គ្នា(មានសារធាតុញៀនក្នុងខ្លួន)។
តាមប្រភពពីកន្លែងកើតហេតុបានឲ្យដឹងថាកន្លងមកជនដៃដល់ធ្លាប់ប្រើប្រាស់គ្រឿងញៀនហើយតែងតែអុកឡុកក្នុងក្រុមគ្រួសារបំផ្លិចបំផ្លាញទ្រព្យសម្បត្តិក្នុងផ្ទះធ្លាប់យកម៉ូតូទៅលក់សុីចាយអស់រករឿងគេឯងច្រើនលើកច្រើនសារ។
ប្រភពបន្តទៀតថាសព្វថ្ងៃនេះម្តាយបង្កើតជនដៃដល់មិនហ៊ានរស់នៅជាមួយនិងកូនរូបនេះទេព្រោះដោយសារតែមានការភ័យខ្លាច។
ណាមួយជនដៃដល់ធ្លាប់ប្រើប្រាស់គ្រឿងញៀនផងហើយជនដៃដល់សព្វថ្ងៃរស់នៅជាមួយម្ដាយដោយធ្វើបាបម្ដាយគាត់ក៍បានទៅនៅក្នុងវត្តបួសធ្វើយាយជីហើយរាល់ថ្ងៃគាត់តែងតែយកបាយពីវត្តមកអោយកូនហូបរាល់ថ្ងៃជួនកាលកូនរបស់គាត់មកចាប់ច្របាច់កចង់សម្លាប់គាត់តែបានបងប្អូនឃើញជួយទាន់។
ប្រភពបន្តទៀតថាលុះដល់ថ្ងៃកើតហេតុពូដែល(ជនរងគ្រោះ)មកពីរត់កង់វិញគាត់បានទិញគុយទាវមកហូបដោយសារូបគាត់ហូបមិនអស់បានយកទៅដាក់ឲឆ្កែស៊ីខណៈកំពុងតែអង្គុុុយដាក់ដោយមិនដឹងខ្លួនស្រាប់តែក្មួយចិត្តអប្រិយ៍ជិះរទេះមកពីក្រោយព្រមទាំងកាន់ឈើជ្រុងនៅដៃវាយបំពងពីក្រោយត្រូវចំនួន០៣កន្លែងបណ្ដាលឲជនរងគ្រោះប្រកាច់ស្លាប់ក្នុងថ្លុកឈាមភ្លាមៗតែម្តង។
ក្រោយកើតហេតុសមត្ថកិច្ចមូលដ្ឋានទាក់ទងទៅជំនាញសមត្ថកិច្ចក្រុងភ្នំពេញចុះមកធ្វើកោលសល្យវិឆ្ឆ័យរួចកបានបញ្ជាក់ថាជនរងគ្រោះពិតជាស្លាប់ដោយសារក្មួយវាយពីក្រោយចំនួនបីឈើជ្រុងពិតប្រាកដកមែនរួចប្រគល់សពឲក្រុមគ្រួសាររៀបចំធ្វើបុណ្យតាមប្រពៃណី។
ចំណែកជនដៃដល់ត្រូវសមត្ថកិច្ចឃាត់ខ្លួនយកទៅសាកសួនៅអធិការដ្ឋាននគរបាលខណ្ឌព្រែកព្នៅនិងកសាងសំណុំរឿងបញ្ជួនទៅតុលាការនៅពេលក្រោយ៕ដោយ លោកសំនៀង
