ភ្នំពេញ៖នគរបាលប៉ុស្តិ៍រដ្ឋបាលអូរបែកក្អម បានធ្វើការឃាត់ខ្លួនជនសង្ស័យម្នាក់ ករណីប្រេីអំពេីហិង្សាក្នុងគ្រួសារ នៅចំណុចក្នុងបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ នៅថ្ងៃទី១៦ខែមិថុនា២០១៩ វេលាម៉ោង២១ និង០០នាទី ។
ប្រភពពីសមត្ថកិច្ចបានអោយដឹងថាជនសង្ស័យម្នាក់មាន ឈ្មោះ មុត ចំរើន ភេទប្រុស អាយុ៣៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ(គ្មានសារធាតុញៀន) ។
រីឯជនរងគ្រោះម្នាក់មានឈ្មោះ ប៊ូ សុភា ភេទស្រី អាយុ៣៥ឆ្នាំ ជនជាតិខ្មែរ មុខរបរលក់ដូរ ស្នាក់នៅបន្ទប់ជួល ផ្លូវបេតុង ភូមិស្លែងរលើង សង្កាត់អូរបែកក្អម ខណ្ឌសែនសុខ(ជាំកែងដៃខាងស្តាំ ,ជាំឆ្អឹងជំនីខាងឆ្វេង) ។
សម្ភារៈខូចខាតរួមមាន ទូរទស្សន៍០១គ្រឿង និងទូរសព្ទ័ដៃ០២គ្រឿងម៉ាណូគារចិចពិល ។
សមត្ថកិច្ចបានបន្ដថា មុនពេលកើតហេតុ ប៉ុស្តិ៍រដ្ឋបាកអូរបែកក្អម បានទទួលព័ត៌មានពីប្រជាពលរដ្ឋ ថានៅចំណុចខាងលើ មានករណីហិង្សាក្នុងក្រួសារ កើតឡើង០១លើក ក្រោយពីទទួលព័ត៌មានបាន សមត្ថកិច្ចប៉ុស្តិ៍រដ្ឋបាលអូរបែកក្អមបានចុះដលើចំណុចកលតហេតុ នាំខ្លួនជនសង្ស័យជាប្តីយកមកធ្វើការសាកសួរនៅអធិការដ្ឋាននគរបាលខណ្ឌសែនសុខតែម្តង ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
