មណ្ឌលគិរី៖ ពិតជាគួរឲ្យអាសូរដល់ជិវិត ថ្វីត្បិតតែដើម្បីបានប្រាក់កម្រៃ យកទៅផ្គត់ផ្គង់ជីវភាពគ្រួសារ ធ្វើឲ្យបុរសម្នាក់ស្លាប់បាត់បង់ជីវិតព្រោះតែម៉ូតូដឹកឈើប្រណិត មានទំហំធំសង្កត់ពីលើ ខណះខ្លួនមានជាតិសូរ៉ាក្នុងខ្លួនផងនោះ នៅល្ងាចថ្ងៃអាទិត្យ ទី១៦ ខែមិថុនា ឆ្នាំ២០១៩ ។
ប្រភពព័ត៍មាន បានឲ្យដឹងថា បុរសម្នាក់ដែលស្លាប់ ត្រូវបានគេស្គាល់ឈ្មោះ សុខ គឿន រស់នៅភូមិស្រែអំពិលក្រោម ឃុំស្រែខ្ទុម ស្រុកកែវសីមា ខេត្តមណ្ឌលគីរី បានដឹកឈើប្រភេទសុក្រមមួយដើម ដឹកចេញពីភូមិស្រែអំពិលលើ ទាំងខ្លួនមានភាពស្រវឹងផងនោះ លុះមកដល់កន្លែងកើតហេតុ ក៏បានធ្លាក់ជង្ហុក បណ្ដាលអោយដួល ហើយក៏ត្រូវបានឈើសង្កត់ចំក្បាល ស្លាប់នៅនឹងកន្លែងតែម្តង។
ក្រោយកើតហេតុ សមត្ថកិច្ច និងអជ្ញាធរមូលដ្ឋាន បានចុះត្រួតពិត្យ ធ្វើកោសលវិច័យឃើញថា ពិតជាស្លាប់តាមដូចហេតុការណ៍ខាងលើនោះពិតមែន ទើបប្រគល់សពឲ្យក្រុមគ្រួសារ យកទៅធ្វើបុណ្យតាមប្រពៃណី៕
