ត្បូងឃ្មុំ ៖ បុរសម្នាក់បានស្លាប់ បន្ទាប់ពីប្រើប្រាស់ឧបករណ៍ឆក់ត្រី ហើយឆ្លងចរន្តអគ្គិសនី បណ្ដាលឲ្យឆក់ខ្លួនឯង កាលពីវេលាម៉ោង១៥ និង៣០នាទីថ្ងៃទី១៨ ខែមិថុនា ឆ្នាំ២០១៩ នៅចំណុចប្រឡាយព្រែកក្បាលក្របី ស្ថិតនៅភូមិឈើទាលតូច ឃុំពាមជីលាំង ស្រុកត្បូងឃ្មុំ ខេត្តត្បូងឃ្មុំ។
សមត្ថកិច្ចបានបញ្ជាក់ថា ជនរងគ្រោះមានឈ្មោះ យ៉េប រ៉ូន ភេទប្រុស អាយុ៤៣ ឆ្នាំជាតិខ្មែរឥស្លាម។
ក្រោយពីពិនិត្យស្រាវជ្រាវលើ សពសមត្ថកិច្ចសន្និដ្ឋានថា សពពិតជាបានស្លាប់ដោយសារ ឆ្លងចរន្តអគ្គិសនីឆក់ ពិតប្រាកដមែន ពុំមានពាក់ព័ន្ធនឹងបទល្មើសព្រហ្មទណ្ឌឡើយ។
បច្ចុប្បន្នសពត្រូវបានក្រុមគ្រួសាររៀបចំធ្វើបុណ្យតាមប្រពៃណី៕
