កណ្ដាល ៖ កម្លាំងអធិការដ្ឋានក្រុងតាខ្មៅ និងប៉ុស្ដិ៍រដ្ឋបាលព្រែកឬស្សី សហការជាមួយកម្លាំងការិយាល័យព្រហ្មទណ្ឌកម្រិតស្រាល បានធ្វើការស្រាវជ្រាវ ឃាត់ខ្លួនជនសង្ស័យ ឈ្មោះ សេង ថមមី ភេទប្រុស អាយុ១៧ឆ្នាំ ជនជាតិខ្មែរ មុខរបរសិស្ស មានទីលំនៅភូមិព្រែកកាត់ សង្កាត់តាក្ដុល ក្រុងតាខ្មៅ ខេត្ដកណ្ដាល ពាក់ព័ន្ធករណីហិង្សាដោយចេតនាមានស្ថានទម្ងន់ទោស។
សមត្ថកិច្ចបានបញ្ជាក់ថា ករណីខាងលើបានកើតឡើងកាលពីថ្ងៃទី១៩ ខែមិថុនា ឆ្នាំ២០១៧ នៅចំណុចភូមិតាខ្មៅ២ សង្កាត់តាខ្មៅ ក្រុងតាខ្មៅ ខេត្ដកណ្ដាល។
ដោយអនុវត្តតាម ដីកាលេខ២៣៨ ដកបចខ ចុះថ្ងៃទី២៣ ខែមេសា ឆ្នាំ២០១៨ របស់លោក ផូង វណ្ណ ចៅក្រមជំនុំជម្រះនៃសាលាដំបូង ខេត្តកណ្ដាល បង្គាប់ឲ្យចាប់ខ្លួនជនសង្ស័យខាងលើនៅថ្ងៃទី២ ខែកក្កដា ឆ្នាំ២០១៩វេលាម៉ោង១៥ និង៣០នាទី នៅចំណុចភូមិក្រពើហា សង្កាត់ព្រែកឬស្សី ក្រុងតាខ្មៅ ខេត្ដកណ្ដាល។
បច្ចុប្បន្នកម្លាំងការិយាល័យជំនាញ បានបញ្ជូនជនជាប់ចោទទៅពន្ធនាគារ តាមនីតិវិធី៕
