ភ្នំពេញ៖ ជនសង្ស័យម្នាក់ បន្ទាប់ពីកម្លាំងសមត្ថកិច្ចព័ទ្ធចាប់បាន ក៏ឆ្លើយសារភាពថា ខ្លួនពិតជាបានធ្វើសកម្មភាពកាច់កម៉ូតូ របស់ប្រជាពលរដ្ឋ ដែលចតទុកចោលពិតប្រាកដមែន ដោយសារតែខ្លួនមានជីវភាពខ្វះខាត ជាពិសេសអត់លុយបង់ថ្លៃសាលាកូន ទើបសម្រេចចិត្តធ្វើសកម្មភាព បែបនេះតែម្តងទៅ។
ហេតុការណ៍ព័ទ្ធចាប់ជនសង្ស័យខាងលើនេះ បង្ករឲ្យមាមការភ្ញាក់ផ្អេីល កាលពីរវេលាម៉ោង១០៖១០នាទីព្រឹក ថ្ងៃទី៥ ខែកក្កដា ឆ្នាំ២០១៩ ស្ថិតនៅភូមិថ្មី សង្កាតទៀន ខណ្ឌេង្កោ។
ជនសង្ស័យឈ្មោះ សុខ ឆេង ភេទប្រុស អាយុ៤៥ឆ្នាំ មុខរត់កង់បី មានស្រុកកំណើត ភូមិឆ្លូង ឃុំឈ្លូងស្រុកឈ្លូង ខេត្តក្រចេះ
ចំណែកជនរងគ្រោះមាន សឿន ផល្លា អាយុ៣៥ឆ្នាំ មុខរបរកសិករ ស្នាក់នៅភូមិកេីតហេតុខាងលេី។
បេីតាមសម្ដីពីជនរងគ្រោះ បានប្រាប់ឲ្យដឹងថា គាត់បានទុកម៉ូតូ ម៉ាកហុងដា សេ១២៥ ឆ្នាំ២០១៩ ពណ៌ខ្មៅ ពាក់ស្លាកលេខ ភ្នំពេញ 1HQ 2952 នៅមុខផ្ទះ ហេីយពេលនោះស្រាប់តែឮសម្លេងផូង គាត់ក្រឡេកមកមេីល ស្រាប់តែឃេីញជនសង្ស័យ ជិះម៉ូតូចេញពីមុខផ្ទះគាត់ទើបស្រែកថាចោៗ ក៏ផ្អេីលដល់ប្រជាពលរដ្ឋ ហើយជនសង្ស័យព្យាយាមជិះគេចខ្លួន ពេលនោះដែរកម្លាំងនគរបាលខណ្ឌដង្កោ ដែលកំពុងជិះល្បាតតាមមូលដ្ឋាន ឃើញក៏ដេញតាមចាប់ រហូតមកដល់ចំណុចច្រមុះជ្រូកវត្តហា ផ្លូវ៥០ម៉ែត្រ សង្កាត់ដង្កោ ខណ្ឌដង្កោ ក៏កម្លាំងនគរបាលធាក់ផ្តួល ចាប់បានជនសង្ស័យភ្លាមៗតែម្តង។
លោកវរសេនីយ៍ឯក ជឹម សុីថា អធិការនគរបាលខណ្ឌដង្កោ បានឲ្យដឹងថា ក្រោយចាប់ជនសង្ស័យបាន ភ្លាមនោះកម្លាំងសមត្ថកិច្ចបានដឹកជនសង្ស័យ រួមទាំងវត្ថុតាងនឹងម៉ូតូរបស់ជនរងគ្រោះ យកកាន់អធិការដ្ឋាននគរបាលខណ្ឌដង្កោ ដើម្បីធ្វើការសាកសួរ និងកសាងសំណុំរឿង បញ្ជូនទៅតុលាការ ចាត់ការតាមនីតិវិធីច្បាប់៕
