ខេត្តកំពង់ស្ពឺ ៖កម្លាំងអធិការដ្ឋាននគរបាលស្រុកសំរោងទង លោកវរសេនីយ៍ឯក ឃុត សុផល អធិការស្រុក ដឹកនាំបង្ក្រាបមុខសញ្ញាសង្ស័យពាក់ព័ន្ធនឹងគ្រឿងញៀនបានចំនួន ២នាក់ កាលពីថ្ងៃទី១៥ ខែកក្កដា ឆ្នាំ២០១៩
នៅចំណុចភូមិកែវឧត្តម ឃុំត្រពាំងគងស្រុកសំរោងទង ខេត្តកំពង់ស្ពឺ ។
ប្រភពពីសមត្ថកិច្ចបានអោយដឹងថាជនសង្ស័យទាំពីរនាក់មានឈ្មោះ១.ឈ្មោះ អ៊ុំ ពិសិដ្ឋ ភេទប្រុស អាយុ៣៦ឆ្នាំ។
២.ឈ្មោះ អយ លីនណា ហៅ ឌួង ភេទស្រី អាយុ ៣០ឆ្នាំ អ្នកទាំង២ ស្ថិតនៅភូមិកែវឧត្តម ឃុំត្រពាំងគង ស្រុកសំរោងទងខេត្តកំពង់ស្ពឺ។
សមត្ថកិច្ចបន្ដថា ក្នុងកិច្ចប្រតិបត្តិការខាងលេី ដោយមានការណែនាំ ពីលោកស្នងការនគរបាលខេត្តកំពង់ស្ពឺដោយមានការសម្របសម្រួលពីតំណាងអយ្យការ ព្រះរាជអាជ្ញា ទើបកំលាំងនគរបាលបានធ្វើការដកហូតវត្ថុតាងជាក់ស្ដែងរួមមាន ម្សៅក្រាមពណ៌សថ្លាសង្ស័យជាគ្រឿងញៀន ចំនួន ២០កញ្ចប់តូច, ទូរស័ព្ទដៃ ចំរុះ ៤ គ្រឿង រួមនឹងឧបករណ៍ប្រេីប្រាស់គ្រឿងញៀនមួយចំនួន ព្រមទាំងសម្ភារៈសោរមួយចំនួនទៀតផង។
បច្ចុប្បន្នជនសង្ស័យនិងវត្ថុតាង ត្រូវកសាងសំណុំរឿងបញ្ជូនទៅតុលាការ ចាត់ការតាមនីតិវិធីច្បាប់៕
