ភ្នំពេញ៖កម្លាំងប៉ុស្តិ៍រដ្ឋបាលឃ្មួញ បានធ្វើការឃាត់ខ្លួនជនសង្ស័យម្នាក់ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិអន្លង់ក្ងាន សង្កាត់ឃ្មួញ ខណ្ឌសែនសុខ នៅថ្ងៃទី១៦ខែកក្កដាឆ្នាំ២០១៩ វេលាម៉ោង០៥ និង០០នាទី ។
ប្រភពពីសមត្ថកិច្ចបានអោយដឹងថាជនសង្ស័យម្នាក់មាន ឈ្មោះ រិន សិត ភេទប្រុស អាយុ២១ឆ្នាំ ជនជាតិខ្មែរ មុខរបរកម្មករ ស្នាក់នៅក្នុងឃ្លាំងដាក់ឥវ៉ាន់ ភូមិអន្លង់ក្ងានសង្កាត់ឃ្មួញ ខណ្ឌសែនសុខ ។
សម្ភារៈដកហូត ៖ គ្មាន ។
សមត្ថកិច្ចបានបន្ដថា មុនពេលកើតហេតុ កម្លាំងប៉ុស្កិ៍រដ្ឋបាលឃ្មួញ បានធ្វើទទួលព័ត៌មានពីប្រជាពលរដ្ឋថា នៅចំណុចកើតហេតុខាងលើ មានជនសង្ស័យម្នាក់ កំពុងអុកឡុកក្នុងឃ្លាំងដាក់ឥវ៉ាន់ ក្រោយពីទទួលព័ត៌មានសមត្ថកិច្ចយើងចុះដល់ចំណុចកើតហេតុ នាំខ្លួនជនសង្ស័យធ្វើការសាកសួរ ត្រួតពិនិត្យទឹកនោមរកសារធាតុញៀន នៅអធិការដ្ឋាននគរបាលខណ្ឌសែនសុខ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
