ព្រះសីហនុ៖ បុរសម្នាក់បានស្លាប់ភ្លាមៗដោយដាច់ក្បាលឃ្ទាតចេញពីដងខ្លួនប្រមាណជិត១០០ម៉ែត្រ ដោយសារតែផ្ទុះធុងខ្យល់អុកស៊ីសែន ករណី នេះកើតឡើងនៅចំនុចចំការត្របែក ស្ថិតនៅក្រុម២០ភូមិ១ឃុំទំនុបរលកស្រុកស្ទឹងហាវ ខេត្តព្រះសីហនុ នៅល្ងាចថ្ងៃទី២០ខែកក្កដា ឆ្នាំ២០១៩។
មន្ត្រីអាជ្ញាធរមូលដ្ឋានបានឱ្យដឹងថា សពមានឈ្មោះពត សុផាត់ ភេទប្រុស អាយុ៣៩ ឆ្នាំមុខរបរកម្មករ ស្នាក់នៅក្រុម៣ភូមិ៤ ឃុំទំនុបរលក ស្រុកស្ទឹងហាវ ខេត្តព្រះសីហនុនិងមានស្រុកកំណើតខេត្ត តាកែវ ។
បច្ចុប្បន្នសាកសពរក្សាទុកនៅកន្លែងកើតហេតុ រង់ចាំប្រគល់ឲ្យគ្រួសារយកទៅធ្វើបុណ្យតាមប្រពៃណី៕
